En cada unha das tres categorías entregarase un primeiro premio de 90 euros, un segundo de 60 euros e un terceiro de 30 euros.
O Concello de Verín convoca dous certames literarios con motivo do Día das Letras Galegas y que teñen como finalidade fomentar a creatividade literaria dos estudantes dos centros de ensino da comarca. Trátase do Certame de Poesía Xosé Carlos Caneiro Pérez e o de Relato Curto Antonio Fernández Pérez.
No certame de Relato Curto poderán participar alumnos de primaria (5º ou 6º), primeiro ciclo de ESO e segundo ciclo de ESO de calquera dos centros de ensino da comarca. Haberá unha fase de preselección a criterio de cada centro e estes poderán enviar á fase final un máximo de tres relatos en cada unha das tres categorías, que se deberán entregar na Casa do Concello de Verín antes das 14,00 horas do día 5 de maio. Os autores dos traballos finalistas recibirán un lote de libros e participarán nun acto no que se farán públicos os premiados. En cada unha das tres categorías entregarase un primeiro premio de 90 euros, un segundo de 60 euros e un terceiro de 30 euros.
No certame de poesía poderán participar os alumnos coas mesmas categorías do certame anterior e seguirase o mesmo proceso de preselección e selección e prazo de entrega que no caso anterior. Os traballos finalistas tamén recibirán un lote de libros e en cada unha das tres categorías entregaranse premios de 90, 60 e 30 euros para os mellores traballos.
