A animación foi a nota máis destacada na celebración no Carballiño da Festa da Cachucha', que na súa decimosexta edición reuniu a perto de 300 comensais, a maioría disfrazados, na carpa instalada pola Concellería de Festexos na pista central da Praza do Emigrante.
Un menú composto por cacheira, lacón, chourizos, berzas e garbanzos, acompañado por pan e viño de O Ribeiro, que os asistentes, entre eles o secretario xeral do PSdeG-PSOE, o carballiñés Manuel Vázquez, poideron degustar ós sons da charanga Garrafón.com', de Chantada, e o grupo de percusión Aperta', de Vigo. No decurso da velada, o alcalde do municipio, Carlos Montes, entregou os trofeos ós tres hosteleiros finalistas na segunda Olimpiada da Tapa', recibindo o primeiro premio Víctor Fernández, do mesón O Pipote', mentres as cafeterías A Trabe de Ouro' e 'Ningures' ocuparon a segunda e a terceira posición.