Catro persoas con discapacidade intelectual do municipio de Ribadavia remataron o seu primeiro ciclo de aprendizaxe no Centro Ocupacional que rexenta a asociación Aspadisi no Carballiño. Os rapaces están a participar nun programa da Concellería de Servizos Sociais ribadaviense, que ten coma obxectivo promover a integración laboral e social destas persoas e mellorar a calidade de vida deles e das súas familias, sinala o alcalde, Marcos Blanco.
Os catro alumnos estiveron no centro laboral carballiñés dende novembro do ano pasado ata iste mesmo mes de xullo, e completaron o curso con grande éxito, indica o rexedor. Nas instalacións do colectivo Aspadisi, os minusválidos psíquicos de Ribadavia permanecen dende as 10.00 ata as 18.00 horas e levan a cabo traballos de enmarcación de cadros e cerámica, ademais de colaborar cunha empresa de elaboración de bolsas e outra de embalaxe de xabóns.
As instalacións de Aspadisi, ubicadas ó carón do río Arenteiro, tamén ofrecen un aula de apoio escolar, actividades de lecer e deportivas, ademais dun servizo de comedor para aqueles traballadores da comarca de O Ribeiro que están alonxados dos seus domicilios. O Concello de Ribadavia xestionou ante o Servizo Galego de Mobilidade (teléfono 065) as viaxes de ida e volta nun vehículo para os catro rapaces do municipio.
As instalacións de Aspadisi, ubicadas ó carón do río Arenteiro, tamén ofrecen un aula de apoio escolar, actividades de lecer e deportivas, ademais dun servizo de comedor para aqueles traballadores da comarca de O Ribeiro que están alonxados dos seus domicilios. O Concello de Ribadavia xestionou ante o Servizo Galego de Mobilidade (teléfono 065) as viaxes de ida e volta nun vehículo para os catro rapaces do municipio.
