A actividade consistirá nun contacontos no que participarán membros de teatro do grupo Aturuxo de teatro de maiores que desenvolve o Concello de Ourense
O Centro Cívico de A Ponte é o escenario escollido pola Concellería de Asuntos Sociais do Concello de Ourense para poñer en escena a obra teatral que conmemorará o vindeiro 1 de outobro o "Día internacional das Persoas Maiores".
A actividade consistirá nun contacontos no que participarán membros de teatro do grupo Aturuxo de teatro de maiores que desenvolve o Concello de Ourense, e unha das monitoras do obradoiro, do grupo Sarabela, así como menores do Centro Cívico de A Ponte para favorecer as relacións interxeneracionais. O conto escollido pertence ao legado popular galego e falará de valores coma o afecto, o cariño da familia, a verdade... e terá lugar o xoves 1 de outubro ás 18,00 horas.
Por otra parte, a concellería dirixida por Sofía Godoy iniciará a vindeira semana as seguintes actividades formativas dentro do Programa de Minorías Étnicas: cursos de alfabetización dixital, dirixidos a persoas maiores de 16 anos de etnia xitana, cunha duración de 20 horas cada un. Comezarán o 30 de setembro e terá lugar nos centros cívicos de A Ponte e de A Cuña. E, por outra banda, o programa de apoio socio educativo na escola da Concellería de Asuntos Sociais do Concello de Ourense, dirixido a menores de Educación Primaria. A partir do 1 de outubro nos colexios CEIP Prácticas-Anexa, CEIP Irmáns Villar, CEIP Mariñamansa.
Idiomas
Por outra banda, hoxe ábrese o prazo de inscripción para ocupar 42 prazas libres na Escola Municipal de Idiomas do Concello de Ourense. Serán 40 prazas para adultos (niveis dende iniciación ata pre-intermedio) e 2 prazas para rapaces e rapazas de 2º de Primaria.
