Un estudo sobre as paisaxes na obra de Otero Pedrayo, outro dos seus anos preuniversitarios, unha biografía en verso ou un videoxogo foron algunhas das obras recoñecidas en Trasalba durante a entrega dos terceiros premios Otero Pedrayo, concedidos pola fundación que leva o seu nome co apoio da Xunta de Galicia. Un acto que tamén quixo conmemorar os 48 anos do pasamento do integrante da Xeración Nós, e no que o secretario xeral de Política Lingüísitca, Valentín García, loou o traballo dos escolares participantes.
Talento ourensano
Ourense foi a gran triufadora, con dous galardóns na categoría de Bacharelato, un estudo da poesía e xeografía de Otero Pedrayo, e un análise da súa traxectoria preuniversitaria. O IES de Ponteceso recibía un accésit polo seu traballo “Violencia e delito en O Mesón dos Ermos”.
Na categoría de Secundaria, o IES San Rosendo de Mondoñedo era recoñecido por un videoxogo para a aprendizaxe de galego, que foi eloxiado pola aplicación de novas tecnoloxías. Outro accésit foi para o IES Chan do Monte de Marín, por unha biografía en verso de Otero Pedrayo.