Hai que mollarse polo galego. Díxoo onte na praza Maior, punto de saída do proxecto educativo Correlingua de 2012, o concelleiro de Deportes de Ourense, Fernando Varela, cando a chuvia amenzaba a saída da andaina. E tiña razón porque no momento de ordenar aos participantes por colexios, ningún dos setecentos cativos se fixo de rogar. Así, o Correlingua deixouse sentir polas rúas do casco histórico de Ourense preto do mediodía de onte. As andainas viaxarán no mes de maio a outras dez comarcas ata o vindeiro 16 de maio, día previo á celebración das Letras Galegas.
A actividade contou coa participación de menos colexios do previsto, algo que a organización achacou ao tempo posto que algúns 'viñan de fóra da cidade'. O ambiente era de festa, mentres algúns dos participantes portaban pancartas con lemas como 'Conquista o mundo en galego' ou 'Galeator. com: O teu idioma seguro'.
A profesora de educación física do colexio especial Miño- Velle, Montserrat Fernández, concretou que 'apuntámonos a todas as actividades para motivar aos rapaces e promover a súa integración'. Por outra banda, a profesora de lingua e literatura galega do instituto San Mamede de Maceda Miriam González, apuntou que o Correlingua, 'é unha maneira de celebrar a lingua posto que aínda que a situación é normalizada, hai que insistir'. No mesmo punto reparou a tenente de alcalde do Concello de Ourense, Isabel Pérez, ao sinalar que 'esta actividade trata de poñer en valor a utilidade e a necesidade de defendérmonos como pobo'. Ao mesmo tempo, Isabel Pérez convidou a responsables políticos de Galicia a reflexionar sobre a defensa da lingua.
A festa final tivo lugar no Auditorio Municipal, unha iniciativa que buscaba aforrar os custos derivados da montaxe técnica que supoñía o tradicional festexo na Praza Maior. Unha idea ben acollida entre os docentes. En concreto, o profesor de música de Salesianos Iván Pola afirmou que 'mellor nun recinto pechado porque evitamos a calor doutras edicións, e neste caso a chuvia'. A gala contou coas presentacións da actriz Iria Sobrado, así como con premios e actuacións musicais nas que non faltou a versión en defensa do galego do tema 'Ai se eu te pego'.
Os participantes acolleron de forma moi positiva a actividade. Así, as alumnas do IES San Mamede de Maceda Silvia Gómez e Andrea Radiano afirmaron que 'é unha oportunidade para falar en galego e coñecer a rapaces doutros centros'. 'O que máis nos gustou foron os vídeos que proxectaron poder falar en galego', dixeron José Luis Fírvida, Miguel Inaraja e Lucía Gómez de Salesianos.
A profesora de educación física do colexio especial Miño- Velle, Montserrat Fernández, concretou que 'apuntámonos a todas as actividades para motivar aos rapaces e promover a súa integración'. Por outra banda, a profesora de lingua e literatura galega do instituto San Mamede de Maceda Miriam González, apuntou que o Correlingua, 'é unha maneira de celebrar a lingua posto que aínda que a situación é normalizada, hai que insistir'. No mesmo punto reparou a tenente de alcalde do Concello de Ourense, Isabel Pérez, ao sinalar que 'esta actividade trata de poñer en valor a utilidade e a necesidade de defendérmonos como pobo'. Ao mesmo tempo, Isabel Pérez convidou a responsables políticos de Galicia a reflexionar sobre a defensa da lingua.
A festa final tivo lugar no Auditorio Municipal, unha iniciativa que buscaba aforrar os custos derivados da montaxe técnica que supoñía o tradicional festexo na Praza Maior. Unha idea ben acollida entre os docentes. En concreto, o profesor de música de Salesianos Iván Pola afirmou que 'mellor nun recinto pechado porque evitamos a calor doutras edicións, e neste caso a chuvia'. A gala contou coas presentacións da actriz Iria Sobrado, así como con premios e actuacións musicais nas que non faltou a versión en defensa do galego do tema 'Ai se eu te pego'.
Os participantes acolleron de forma moi positiva a actividade. Así, as alumnas do IES San Mamede de Maceda Silvia Gómez e Andrea Radiano afirmaron que 'é unha oportunidade para falar en galego e coñecer a rapaces doutros centros'. 'O que máis nos gustou foron os vídeos que proxectaron poder falar en galego', dixeron José Luis Fírvida, Miguel Inaraja e Lucía Gómez de Salesianos.
