Lupas, martelos ou improvisados gorriños feitos de papel foron algúns dos utensilios que os escolares empregaron na súa actividade de paleontoloxía
Hai uns días, os nenos e nenas de catro anos do CEIP Carlos Casares de Xinzo de Limia participaron nunha interesante actividades que resultou ser do máis froitífera e óptima para adquirir conceptos dun xeito ameno e maioritariamente práctico. Tratábase dunha actividade de Paleontoloxía para a que os escolares acudiron perfectamente vestidos para a ocasión e contaron con todo o material preciso para o perfecto estudo dos seres orgánicos que habitaron na terra en épocas pasadas e que os seus restos se atopan fósiles.
Previamente, os alumnos acompañados polas súas profesoras estudiaron o mundo dos dinosaurios e para finalizar este interesante proxecto exerceron de paleontólogos, unha experiencia única coa que o pasaron todos en grande e incluso realizaron unha excavación no areeiro da escola.
