A obra está enmarcada no Xinzo de 1978 e conta a historia de Antón, un rapaz de 15 anos que regresa á vila despois de tres meses de internado
O escritor Antón Riveiro Coello presentará este venres en Xinzo o seu último libro, "A ferida do vento". O acto será na Casa da Cultura ás 20.30 horas e contará coa presenza de Carlos Lema, Delfín Caseiro, Manuel Seoane Feijóo e Carlos Gómez Salgado. A obra está enmarcada no Xinzo de 1978 e conta a historia de Antón, un rapaz de 15 anos que regresa á vila despois de tres meses de internado. Riveiro Coello fai unha homenaxe neste libro á vila de Xinzo e ao escritor Carlos Casares, ao que este ano se lle adica o Día das Letras Galegas.
