O presidente da Deputación de Ourense, Manuel Baltar, achegouse esta tarde ata o Concello de Vilar de Barrio, onde foi recibido polo rexedor local, Manuel Conde, e membros da Corporación local. Esta xuntanza serviu para avanzar en varias liñas de colaboración en materia de infraestruturas viarias, medioambiente, e cultura.
Por outro lado Vilar de Barrio será un dos municipios que se beneficiará dun acordo pioneiro entre o ente provincial e a Consellería do Medio Rural para dotar a este e outros concellos de tractores de roza adicados á prevención de lumes forestais. “Seguimos traballando para que Ourense sexa unha provincia máis grande”, afirmou Manuel Baltar. “Os concellos máis pequenos non poderíamos afrontar o noso desenvolvemento sen a axuda económica de entes como a Deputación”, apuntou Manuel Conde.