A enfermeira do ambulatorio desprazarase por todos os lugares do concello para lles suministrar a vacina a todos aqueles que queiran
Todos aqueles veciños das parroquias e aldeas de Sandiás que non se poidan desprazar ata o Centro de Saúde do municipio poderán recibir a vacina antigripal moito máis preto dos seus domicilios. Así o anunciou o rexedor da localidade limiá, Felipe Traveso, a través dun bando.
A enfermeira do ambulatorio desprazarase por todos os lugares do concello para lles suministrar a vacina a todos aqueles que queiran.
No pobo de Pegas a enfermeira estará hoxe, 31 de outubro, no forno do pobo. O día 2 de novembro desprazarase ata a escola de Cardeira. O día catro atenderá no forno do pobo de Santa Ana. O día 7, a sanitaria atoparase no edificio da vella Escola de Piñeira de Arcos, a partir das 11 horas da mañá. Será o mércores 9 cando visite Zadagós, tamén dende as 11 horas na Casa Rural.
Continuará en Chousela o venres 11, á mesma hora, no Forno da aldea. O luns 14 visitará Arcos, onde suministrará a vacina no Forno comunitario do lugar. Finalmente, os veciños de Corga poderán acudir á vella Escola da localidade o mércores 16 de novembro a partir das 11 horas da mañá.