As dúas pezas foron confeccionadas pola Asociación de Mulleres Rurais de Entrimo.
O Museo Galego do Entroido segue a incrementar a súa colección de máscaras e traxes do Entroido galego. Neste senso, a mostra incorporou esta semana o "Madamito" e a "Madamita" de Entrimo. As pezas foron cedidas polo Concello a través do seu alcalde, Ramón Alonso, que se desprazou ata a capital da limia para facerlle a entrega ao responsable de Turismo do Consistorio de Xinzo, Carlos Gómez.
As dúas pezas foron confeccionadas pola Asociación de Mulleres Rurais de Entrimo. Carlos Gómez sinalou a importancia que teñen estas doazóns para a entidade limiá.
O edil de Turismo destacou que o número de visitas ao Museo superou as 6.000 dende o pasado mes de xaneiro. A última delas foi a que realizaron preto de 70 cativos procedentes de distintos centros escolares de Ponte da Lima, en Portugal.
Nestes intres, dende o Museo agardan a doazón de cinco novos exemplares como o Zarramanculleiro de Cualedro ou o Chocalleiro de Vilardevós.
