Allariz festexa o Día das Letras Galegas con un par de actividades para toda a familia. Hoxe martes ás 12,30 horas na Praza de Abaixo, con “Cantos, contos e pedraviva” a cargo de X.C. Caneiro e Emilio Rúa.
Rúa leva máis de tres décadas no mundo da música, cando empeza con sete anos no grupo musical familiar Concorde Atenea formado polo seu pai e os seus catro irmáns. A súa discografía ao longo de nove discos editados como cantautor desde o ano 2000 conta con máis de 100 cancións publicadas, a maior parte en galego , con temas orixinais do propio autor e versións de temas populares. Importante na voz do autor a poesía dos clásicos galegos como Rosalía de Castro, Celso Emilio Ferreiro, Alvaro Cunqueiro e da poesía actual do escritor Manuel Rivas ou Xosé Carlos Caneiro, este último compartindo libro-disco “Despois de ti, a choiva”.
Ás 19,00 horas, no Campo dos Brancos, comezará o espectáculo “Cantares das Letras”, con Luis Vallecillo. Este evento orientado a un público infantil, está a cargo deste compositor, músico e titiritero, que tamén é técnico superior en animación sociocultural e socio fundador da compañía “A Xanela do Maxín”.
Ademáis do espectáculo “Cantares das Letras”, Vallecilo tamén autor e produtor de varias pezas para monicreques como “En Busca da arte”, “A Caixa de Nuk” “O Murmurio do Mar” e “Só Fáltalles Halar”, así como coautor e produtor doutras coma “Chincha Rabincha”, “A Pequena Lúa” e “O Rei Destronado”, participando coas mesmas nos distintos circuítos profesionais de Galicia e aos que asistiu a diferentes festivais tales como: Xograres (Córdoba- Arxentina), Titirisanse (Madrid), Galicreques (Santiago), Unima CyL (Soria), Titirideza (Lalín) ou Salta (Arxentina), entre outros. Por lado foi productor á vez que interpretou os contacontos con marionetas “Os Libros do Titiritero” e “ Titeremusicuentos”, sendo neste último o compositor da música que se representa en directo, do mesmo xeito que en “O Murmurio do Mar”.
Exposición
Ata o 27 de maio na Casa da Cultura estará aberta a exposición “Pinturas e poemas - Florencio Delgado Gurriarán”, organizada Escola Municipal de Pintura.