Baixa Limia

Bande recuperará tres antigas casas de mestres grazas a un programa de rehabilitación

Baixa Limia

INFRAESTRUTURAS

Bande recuperará tres antigas casas de mestres grazas a un programa de rehabilitación

A conselleira de Infraestruturas e Vivenda, Ethel Vázquez, desprazouse ata á localidade para visitar as vivendas

A Consellería de Infraestruturas e Vivenda puxo en marcha durante o ano pasado o programa de rehabilitación de vivendas antigamente empregadas para diferentes oficios, como as dos mestres. 

Entre os seis concellos galegos que xa recibiron a axuda atópase Bande, onde se destinará á reconstrucción de tres vivendas situadas xunto ao centro escolar da vila. 

Durante a xornada deste luns, a conselleira de Infraestruturas e Vivenda, Ethel Vázquez, quixo destacar a boa acollida do programa da Xunta, así como o gran interese que espertou a iniciativa, que pretende potenciar o medio rural e servir como motor de reactivación económica. 

A rehabilitación das tres vivendas de Bande suporá un investimento "próximo aos 144.000 euros", dos cales desde a consellería se achegan "108.000 euros", tal e como explicou a conselleira. 

As casas destinaranse ao alugueiro para familias con baixos recursos económicos. 

Te puede interesar