O Centro Dramático Galego (CDG) estreará o venres a obra 'As dunas', 'unha comedia sentimental que proclama o amor libre', explicou o autor do texto, Manuel Lourenzo.
Esta peza, a segunda produción da tempada do CDG, foi presentada hoxe no Salón Teatro por Lourenzo, a directora do CDG, Cristina Domínguez, e o director, Quico Cadaval.
O autor da peza explicou que a acción transcorre no free spa 'As Dunas', 'construído sobre un castro' na mariña luguesa, destinado aos 'amantes dos praceres prolongados' e en cuxa inauguración participará 'un grupo de artistas'.
O director, Quico Cadaval, dixo que se trata dun 'espectáculo para o público', 'un cabaré sobre o paraíso perdido' ao que se accede mediante os 'mecanismos de pracer' e o 'desafío sentimental'.
Cadaval indicou que 'As dunas' xurdiu da colaboración entre un home clásico que adapta a Shakespeare -en referencia a Noite de Reis- e un home moderno afectado pola 'saudade do paraíso'.
A estética deste montaxe, que combina música e danza, inspírase nas películas dos anos 70 denominadas como a terceira vía, a medio camiño entre o groseiro e o intelectual, segundo a produción da obra.
A base musical orixinal, o 'free jazz', deu paso á música de discoteca para 'alterar o sentido da obra e dotalo dunha alma de mal gusto', na que o son dos tambores electrónicos convida 'ao sexo e á destrución', afirmou Cadaval.
O deseño do espazo escénico 'espido', realizado por Baltasar Patiño, permítelle á 'presenza humana ir debuxando figuras' no transcurso da acción, dixo Lourenzo.
Xa que logo, o equipo artístico do proxecto ten unha procedencia diversa, pois hai desde actores procedentes do teatro universitario até bailaríns formados no cabaré.
A actriz, Susana Dans, expresou a satisfacción dos actores polo 'gran resultado' xurdido deste 'binomio estraño' e loou o labor do director, pois explicou que 'transmite seguridade' e que 'traballar con el é cómodo'.
'O teatro non é un proxecto do director, senón dun equipo artístico, no que as relacións' entre os diferentes membros se basean 'no talento', afirmou o director.
Cadaval dixo que detrás deste 'cabaré' escóndese 'unha divertida e certeira reflexión sobre Galicia' que desexan 'facer chegar ao público'.
Así, considerou que 'o éxito de Noite de Reis, que transmitiu confianza ao público, pode propiciar que acuda máis xente ao teatro'.
O autor da peza explicou que a acción transcorre no free spa 'As Dunas', 'construído sobre un castro' na mariña luguesa, destinado aos 'amantes dos praceres prolongados' e en cuxa inauguración participará 'un grupo de artistas'.
O director, Quico Cadaval, dixo que se trata dun 'espectáculo para o público', 'un cabaré sobre o paraíso perdido' ao que se accede mediante os 'mecanismos de pracer' e o 'desafío sentimental'.
Cadaval indicou que 'As dunas' xurdiu da colaboración entre un home clásico que adapta a Shakespeare -en referencia a Noite de Reis- e un home moderno afectado pola 'saudade do paraíso'.
A estética deste montaxe, que combina música e danza, inspírase nas películas dos anos 70 denominadas como a terceira vía, a medio camiño entre o groseiro e o intelectual, segundo a produción da obra.
A base musical orixinal, o 'free jazz', deu paso á música de discoteca para 'alterar o sentido da obra e dotalo dunha alma de mal gusto', na que o son dos tambores electrónicos convida 'ao sexo e á destrución', afirmou Cadaval.
O deseño do espazo escénico 'espido', realizado por Baltasar Patiño, permítelle á 'presenza humana ir debuxando figuras' no transcurso da acción, dixo Lourenzo.
Xa que logo, o equipo artístico do proxecto ten unha procedencia diversa, pois hai desde actores procedentes do teatro universitario até bailaríns formados no cabaré.
A actriz, Susana Dans, expresou a satisfacción dos actores polo 'gran resultado' xurdido deste 'binomio estraño' e loou o labor do director, pois explicou que 'transmite seguridade' e que 'traballar con el é cómodo'.
'O teatro non é un proxecto do director, senón dun equipo artístico, no que as relacións' entre os diferentes membros se basean 'no talento', afirmou o director.
Cadaval dixo que detrás deste 'cabaré' escóndese 'unha divertida e certeira reflexión sobre Galicia' que desexan 'facer chegar ao público'.
Así, considerou que 'o éxito de Noite de Reis, que transmitiu confianza ao público, pode propiciar que acuda máis xente ao teatro'.
