O mapa foi elaborado por Domingo Fontán entre os anos 1817 e 1834
A Casa Grande de Cimadevila, sede da Fundación Otero Pedrayo, acolleu ó mapa elaborado por Domingo Fontán entre os anos 1817 e 1834. "Non existía nada con tal exactitude anteriormente, nin houbo ata case un século despois", afirmou Augusto Pérez Alberti, xeógrafo que participou na xornada de onte.
O secretario da Fundación Otero Pedrayo, Alfonso Monxandrín, afirmou: "Ramón Otero Pedrayo admiraba este mapa que coñecía desde pequeño porque o seu avó tiña un dunha impresión que o mesmo Fontán fixo para os seus achegados". Este mapa conta cun oco destacado na obra "Arredor de sí" de Otero Pedrayo, onde Don Bernaldo llo pide ao seu sobriño.
