Oito espectáculos de sete compañías --unha de Portugal-- conforman o cartel do XVII Festival Universitario que a Universidade de Santiago (USC) celebrará en Lugo entre os días 4 e 10 de abril.
Oito espectáculos de sete compañías -unha de Portugal- conforman o cartel do XVII Festival Universitario que a Universidade de Santiago (USC) celebrará en Lugo entre os días 4 e 10 de abril.
Nesta nova edición representaranse obras de Miguel Miura e Bertolt Brecht, entre outros, no auditorio Gustavo Freire a partir das 20.30 horas de luns a domingo, e a entrada será gratuíta.
A programación do festival foi presentada polo vicerrector de Extensión Universitaria, Cultura e Sociedade da USC, Javier Garbayo, xunto con outros representantes institucionais que forman parte do convenio Lugocultural, no que se integran o Concello, Xunta, Deputación, Novacaixagalicia e a USC.
Cumpridas 17 edicións, Garbayo destacou que este é un 'proxecto con perspectiva de futuro', dende que se ideou o festival a instancias do que na actualidade é a aula de teatro da USC do campus de Lugo.
Ademais, puntualizou que as compañías e as obras están moi vinculadas ás 'tendencias actuais do teatro'. A coordinadora do festival, Paloma Lugilde, precisou que todas as obras 'falan da vida', ao tempo que puxo o acento na de Miura 'Tres sombreiros de copa', que inclúe un musical e que se representará o mércores día 6. Tamén aludiu á obra que pon en escena a aula de teatro de Lugo, de Brecht, 'O Circulo de Xiz', o martes 5 de abril.
Nesta nova edición representaranse obras de Miguel Miura e Bertolt Brecht, entre outros, no auditorio Gustavo Freire a partir das 20.30 horas de luns a domingo, e a entrada será gratuíta.
A programación do festival foi presentada polo vicerrector de Extensión Universitaria, Cultura e Sociedade da USC, Javier Garbayo, xunto con outros representantes institucionais que forman parte do convenio Lugocultural, no que se integran o Concello, Xunta, Deputación, Novacaixagalicia e a USC.
Cumpridas 17 edicións, Garbayo destacou que este é un 'proxecto con perspectiva de futuro', dende que se ideou o festival a instancias do que na actualidade é a aula de teatro da USC do campus de Lugo.
Ademais, puntualizou que as compañías e as obras están moi vinculadas ás 'tendencias actuais do teatro'. A coordinadora do festival, Paloma Lugilde, precisou que todas as obras 'falan da vida', ao tempo que puxo o acento na de Miura 'Tres sombreiros de copa', que inclúe un musical e que se representará o mércores día 6. Tamén aludiu á obra que pon en escena a aula de teatro de Lugo, de Brecht, 'O Circulo de Xiz', o martes 5 de abril.
