Máis de 20 actores interveñen nesta adaptación realizada por Quico Cadaval da obra de Bertolt Bretch
Luis Tosar estreará este xoves no Auditorio de Galicia a adaptación de 'A Ópera dos tres reás', de Bertolt Bretch, dirixida por Quico Cadaval e que constituirá o 'primeiro grande espectáculo musical' do Centro Dramático Galego (CDG).
Así o sinalou este martes o conselleiro de Cultura, Roberto Varela, que presentou a representación desta obra xunto coa directora do CDG, Blanca Cendán, o seu director e o elenco de máis de 20 actores que participarán na representación.
Na súa intervención, Varela explicou que esta cita, patrocinada por Novacaixagalicia e a Fundación Cidade da Cultura, constitúe 'un dos maiores eventos culturais de 2011 en Galicia', polo que 'está chamado a converterse nun fito histórico' do teatro galego, que 'axudará a dinamizar, fortalecer e difundir as virtudes das artes escénicas de Galicia'.
Por iso, o conselleiro quixo agradecer o 'intenso labor' levado a cabo por todas as persoas implicadas no proxecto e asegurou que 'o éxito' de 'A Ópera dos tres reás' será 'o éxito do teatro galego'.
'TOQUE' GALEGO
Así mesmo, Varela tamén eloxiou o traballo de Quico Cadaval que, segundo recoñeceu, 'traballou unha versión moi fiel ao espírito do texto orixinal, dándolle un toque xenuinamente galego'. Na mesma liña, destacou o papel protagonista de Luis Tosar e o de todo o elenco, 'froito dun exhaustivo proceso de selección'.
O papel de Mackie Messer -Mackie da Faca- en 'A ópera dos tres reás' supón o reencontro de Luis Tosar co teatro tras cinco anos dedicado en exclusiva ao cinema e a música, así como o regreso ao CDG 15 anos despois da súa participación en 'Nau de Amores'.
Ademais, nesta produción acompáñano actores-cantantes como César Goldi, Alba Messa, Víctor Mosqueira, Mónica de Nut, Marcos Orsi, Marta Pazos, Fran Pérez Narf, Muriel Sánchez, Begoña Santalices e Sergio Zearreta, que traballaron duramente os pasados dous meses e medio para a posta escena desta obra baixo a dirección de Quico Cadaval.
Xunto con eles, no mesmo escenario, deseñado por Baltasar Patiño, e baixo a batuta de Diego García, unha banda de oito músicos executará en directo a partitura deste clásico do século XX.
FICHA ARTÍSTICA
Na ficha artística deste proxecto, a través do que Blanca Cendán materializa a súa aposta polo teatro musical de gran formato, figura ademais unha vintena de recoñecidos profesionais da escena galega implicados no desenvolvemento desta produción.
Así, Pepe Sendón encárgase da tradución do texto orixinal e da adaptación das cancións ao galego, Baltasar Patiño do deseño do espazo escénico e a iluminación, Carlos Alonso do deseño de vestiario e Cloti Vaello da súa coordinación.
Ademais, Ramón Vermello é o responsable da dirección de canto, Suso Alonso da coordinación musical, Nuria Sanz como axudante de dirección, Mónica García da coreografía e Trini Fernández Silva de maquillaxe e salón de peiteado.
Na adaptación de Quico Cadaval, 'A Ópera dos tres reás' propón 'un achegamento fiel' á obra orixinal, somerxéndose no 'universo imaxinario' dos seus autores a través de 'claros acenos á opereta, ao cinema cómico, ao folletín romántico, ao surrealismo, á banda deseñada ou á novela de crimes', entre outras referencias.
SINOPSE
A acción que narra a obra transcorre ao longo de 45 horas nos baixos fondos dunha cidade habitados por delincuentes, mendigos, prostitutas e policías corruptos, no que campa ás súas anchas Mackie Messer, o historial delituoso da cal non para de crecer en conivencia con Tigre Brown, xefe de Policía.
Pero todo se torce cando decide casar con Polly Peachum, filla do rei dos mendigos, que está disposto a calquera cousa para acabar con ese matrimonio e recuperar a súa filla. Os preparativos da inminente visita papal á cidade determinarán o plan de Peachum para desfacerse de Mackie Messer.
'A Ópera dos tres réas' poderá verse no Auditorio de Galicia ata o domingo día 26, con funcións ás 21.00 horas. A continuación, a montaxe iniciará un percorrido que se prolongará ata principios de outubro e durante o que se presentará en Madrid, Las Palmas de Gran Canaria, Salamanca, Pamplona e Zaragoza, ademais de noutras localidades galegas como Ferrol, Pontevedra, A Coruña, Ourense, Vigo e Narón.
Así o sinalou este martes o conselleiro de Cultura, Roberto Varela, que presentou a representación desta obra xunto coa directora do CDG, Blanca Cendán, o seu director e o elenco de máis de 20 actores que participarán na representación.
Na súa intervención, Varela explicou que esta cita, patrocinada por Novacaixagalicia e a Fundación Cidade da Cultura, constitúe 'un dos maiores eventos culturais de 2011 en Galicia', polo que 'está chamado a converterse nun fito histórico' do teatro galego, que 'axudará a dinamizar, fortalecer e difundir as virtudes das artes escénicas de Galicia'.
Por iso, o conselleiro quixo agradecer o 'intenso labor' levado a cabo por todas as persoas implicadas no proxecto e asegurou que 'o éxito' de 'A Ópera dos tres reás' será 'o éxito do teatro galego'.
'TOQUE' GALEGO
Así mesmo, Varela tamén eloxiou o traballo de Quico Cadaval que, segundo recoñeceu, 'traballou unha versión moi fiel ao espírito do texto orixinal, dándolle un toque xenuinamente galego'. Na mesma liña, destacou o papel protagonista de Luis Tosar e o de todo o elenco, 'froito dun exhaustivo proceso de selección'.
O papel de Mackie Messer -Mackie da Faca- en 'A ópera dos tres reás' supón o reencontro de Luis Tosar co teatro tras cinco anos dedicado en exclusiva ao cinema e a música, así como o regreso ao CDG 15 anos despois da súa participación en 'Nau de Amores'.
Ademais, nesta produción acompáñano actores-cantantes como César Goldi, Alba Messa, Víctor Mosqueira, Mónica de Nut, Marcos Orsi, Marta Pazos, Fran Pérez Narf, Muriel Sánchez, Begoña Santalices e Sergio Zearreta, que traballaron duramente os pasados dous meses e medio para a posta escena desta obra baixo a dirección de Quico Cadaval.
Xunto con eles, no mesmo escenario, deseñado por Baltasar Patiño, e baixo a batuta de Diego García, unha banda de oito músicos executará en directo a partitura deste clásico do século XX.
FICHA ARTÍSTICA
Na ficha artística deste proxecto, a través do que Blanca Cendán materializa a súa aposta polo teatro musical de gran formato, figura ademais unha vintena de recoñecidos profesionais da escena galega implicados no desenvolvemento desta produción.
Así, Pepe Sendón encárgase da tradución do texto orixinal e da adaptación das cancións ao galego, Baltasar Patiño do deseño do espazo escénico e a iluminación, Carlos Alonso do deseño de vestiario e Cloti Vaello da súa coordinación.
Ademais, Ramón Vermello é o responsable da dirección de canto, Suso Alonso da coordinación musical, Nuria Sanz como axudante de dirección, Mónica García da coreografía e Trini Fernández Silva de maquillaxe e salón de peiteado.
Na adaptación de Quico Cadaval, 'A Ópera dos tres reás' propón 'un achegamento fiel' á obra orixinal, somerxéndose no 'universo imaxinario' dos seus autores a través de 'claros acenos á opereta, ao cinema cómico, ao folletín romántico, ao surrealismo, á banda deseñada ou á novela de crimes', entre outras referencias.
SINOPSE
A acción que narra a obra transcorre ao longo de 45 horas nos baixos fondos dunha cidade habitados por delincuentes, mendigos, prostitutas e policías corruptos, no que campa ás súas anchas Mackie Messer, o historial delituoso da cal non para de crecer en conivencia con Tigre Brown, xefe de Policía.
Pero todo se torce cando decide casar con Polly Peachum, filla do rei dos mendigos, que está disposto a calquera cousa para acabar con ese matrimonio e recuperar a súa filla. Os preparativos da inminente visita papal á cidade determinarán o plan de Peachum para desfacerse de Mackie Messer.
'A Ópera dos tres réas' poderá verse no Auditorio de Galicia ata o domingo día 26, con funcións ás 21.00 horas. A continuación, a montaxe iniciará un percorrido que se prolongará ata principios de outubro e durante o que se presentará en Madrid, Las Palmas de Gran Canaria, Salamanca, Pamplona e Zaragoza, ademais de noutras localidades galegas como Ferrol, Pontevedra, A Coruña, Ourense, Vigo e Narón.
