A reunión entre a Real Academia Galega e a Consellería de Cultura finalizou onte sen cifras, aínda que coa petición de apoio económico de Xosé Luís Méndez Ferrín á Xunta para garantir 'a supervivencia' da institución e o compromiso de Jesús Vázquez de 'traballar' e dar o 'máximo esforzo' posible.
Tras o encontro en San Caetano, o presidente da RAG, Xosé Luís Méndez Ferrín, explicou que a reunión serviu para expoñer o Executivo galego 'as necesidades da Academia' dende o punto de vista presupostario e as súas 'aspiracións' para 'unha supervivencia de mínimos', tras a caída do 70% nas achegas nos dous últimos anos.
Ferrín asegurou que a súa única aspiración é manterse na situación actual, e dispoñer do presuposto para 'pagar os salarios, manter a biblioteca, un arquivo histórico, un museo', o funcionamento dos seminarios de sociolingüística, a páxina web, e os funcionarios 'que fan posible tal cousa'. Acerca da posibilidade de expor un ERE na RAG, Méndez Ferrín dixo que 'non estamos prevendo de momento' unha medida nese sentido, aínda que deixou caer que 'pode ocorrer, como calquera outra desgraza'.
Ferrín asegurou que a súa única aspiración é manterse na situación actual, e dispoñer do presuposto para 'pagar os salarios, manter a biblioteca, un arquivo histórico, un museo', o funcionamento dos seminarios de sociolingüística, a páxina web, e os funcionarios 'que fan posible tal cousa'. Acerca da posibilidade de expor un ERE na RAG, Méndez Ferrín dixo que 'non estamos prevendo de momento' unha medida nese sentido, aínda que deixou caer que 'pode ocorrer, como calquera outra desgraza'.
