Os autores confían en que as súas historias, aínda que 'duras', susciten entre os seus lectores 'ganas de arranxar o mundo, non de fuxir del'
O novo libro de Fina Casalderrey e Francisco Castro, editado en colaboración con Unicef, consta dunha serie de relatos que reflicten a miseria infantil no mundo. 'Ou neno can' permitirá achegar os máis pequenos a unha realidade 'que moitos nenos do mundo descoñecen', segundo apuntou o presidente de Unicef Galicia, Manuel Sánchez, durante a presentación da obra.
Este libro infantil, publicado pola editorial Galaxia, destinará un 1 por cento das súas ganancias a Unicef. Ademais, foi ilustrado coas imaxes de Patricia Castelao e cada relato péchase cunha frase a xeito de conclusión de diversas personalidades, entre as que se inclúe o pacifista Mahatma Gandhi.
Segundo os autores, o xeito de comunicar as ideas e chegar ao punto de crear 'historias duras pero sen chegar a traumatizar' foi o parte máis dificultoso na elaboración de 'O neno can'. Deste modo, o libro pretende suscitar entre os lectores 'ganas de arranxar o mundo', pero 'non de fuxir' del, segundo apuntou a autora, Fina Casalderrey.
COLABORACIÓN FRUTÍFERA
Este é a primeira vez que Casalderrey realiza unha colaboración deste tipo, a pesar de que 'xa tiña experiencia' en libros colectivos ou gastronómicos'. A este respecto, a autora afirma estar tan contenta co resultado que ao ler as historias 'lle parecen súas' e que 'cando Francisco as le lle parecen súas tamén'.
Pola súa parte, o coautor e editor da obra, Francisco Castro, asegurou sentir tanta felicidade cando Casalderrey lle pediu a súa colaboración na obra como se Messi lle di un de Segunda B que quere xogar unha pachanga' con el.
De feito, recordou o recoñecemento internacional co que conta Fina, non só pola tradución das súas obras senón tamén pola súa candidatura aos Premios Astrid Lindgren.
