Un novo 'Dicionario de Bioloxía', editado en castelán, galego e inglés, pretende converterse 'nunha ferramenta útil' no ámbito do ensino, investigación e divulgación da especialidade, ademais de 'consolidar' a lingua propia de Galicia no ámbito científico.
A obra, impulsada pola Universidade de Santiago e a Secretaría Xeral de Política Lingüística, abrangue terminoloxía básica en galego neste ámbito, xunto con conceptos relacionados coa antropoloxía, bioquímica, bioloxía molecular, zooloxía botánica, fisioloxía, xenética, microbioloxía, ecoloxía, bioloxía celular e medio.
'Con este dicionario estamos a contribuír ao desenvolvemento da terminoloxía en galego para así poder ter calquera ámbito de coñecemento dispoñible no idioma propio de Galicia', destacou o Secretario Xeral do ramo durante o acto de presentación.
Pola súa parte, o coordinador científico do Centro Ramón Piñeiro e membro da Real Academia Galega, Manuel González, incidiu no 'valor simbólico' de fomentar o galego no sector da ciencia. 'Se conseguimos que o galego sexa a lingua destas especialidades, daremos pasos decisivos cara a súa consolidación'.
'Con este dicionario estamos a contribuír ao desenvolvemento da terminoloxía en galego para así poder ter calquera ámbito de coñecemento dispoñible no idioma propio de Galicia', destacou o Secretario Xeral do ramo durante o acto de presentación.
Pola súa parte, o coordinador científico do Centro Ramón Piñeiro e membro da Real Academia Galega, Manuel González, incidiu no 'valor simbólico' de fomentar o galego no sector da ciencia. 'Se conseguimos que o galego sexa a lingua destas especialidades, daremos pasos decisivos cara a súa consolidación'.
