Descarta que un dos edificios sen construír sexa Museo dos Nenos e Centro de Arte Internacional, como estableceu o bipartito
O conselleiro de Cultura, Roberto Varela, reiterou este luns a intención da Xunta de 'esperar uns anos' antes de iniciar a construción dos dous últimos edificios na Cidade da Cultura e garantiu que o Executivo 'non inverterá' en nova construción no Gaiás ata 2014, un prazo que 'xa está acordado' coas construtoras e a partir do que se 'abrirá un debate' sobre a 'continuidade' das construcións pendentes.
En declaracións aos medios, Roberto Varela asegurou ter 'as ideas moi claras' con respecto á Cidade da Cultura e reiterou que 'neste momento' de crise económica 'o importante é rematar o que está iniciado'.
'É un proxecto que nos obriga a darlle certa prioridade, no sentido de que temos que rematar os edificios xa comezados', indicou o conselleiro de Cultura, que asegurou que 'nos tempos que corren' a Xunta 'non 'pode asumir' esta inversión. 'Os galegos estannos a pedir non se fagan por agora, que deixemos uns anos, que xa están acordados coas construtoras, e vexamos como vai ser a evolución da economía', sentenciou Varela.
Por iso, a Xunta apostou por paralizar a construción dos novos edificios ata 2014 e, nese momento, 'reflexionar' sobre a continuidade do proxecto. 'Polo de agora e ata 2014 non se vai inverter en novos edificios, imos inverter no que temos aquí', sinalou o conselleiro, que apostou por 'abrir un debate' en 2014 sobre 'se ese é o momento oportuno para continuar'.
DESCARTA O MUSEO DOS NENOS
Non obstante, Roberto Varela si descartou que, en caso de construirse, un de edificios se constitúa en Centro Internacional de Arte e Museo dos Nenos, un proxecto creado polo Goberno bipartito.
Segundo recordou o conselleiro, un dos edificios aínda non iniciados, que orixinariamente era para Novas Tecnoloxías, foi modificado polo bipartito como Centro de Arte Internacional e Museo dos Nenos, algo que 'está descartado' polo actual Goberno. 'Paréceme que os nenos debería ter acceso a todos os museos', indicou Varela, ao tempo que descartou un Centro de Arte Internacional que crearía 'competencia' cos centros e museos de arte contemporánea de Galicia.
Pola súa banda, tamén queda agora en suspenso ata 2014 a posibilidade de construír o Teatro da Ópera, que o bipartito 'converteu no Escenario Obradoiro', un espazo 'máis ecléctico e máis caro' sobre o que se 'reflexionará' dentro de tres anos.
Segundo apuntou Varela, a Xunta leva invertidos na construción do Complexo do Gaiás 300 dos 475 millóns de euros nos que estaba presupostada a Cidade da Cultura, unha inversión que 'vai ha quedar así ata que nun futuro se decida outra cousa'.
En declaracións aos medios, Roberto Varela asegurou ter 'as ideas moi claras' con respecto á Cidade da Cultura e reiterou que 'neste momento' de crise económica 'o importante é rematar o que está iniciado'.
'É un proxecto que nos obriga a darlle certa prioridade, no sentido de que temos que rematar os edificios xa comezados', indicou o conselleiro de Cultura, que asegurou que 'nos tempos que corren' a Xunta 'non 'pode asumir' esta inversión. 'Os galegos estannos a pedir non se fagan por agora, que deixemos uns anos, que xa están acordados coas construtoras, e vexamos como vai ser a evolución da economía', sentenciou Varela.
Por iso, a Xunta apostou por paralizar a construción dos novos edificios ata 2014 e, nese momento, 'reflexionar' sobre a continuidade do proxecto. 'Polo de agora e ata 2014 non se vai inverter en novos edificios, imos inverter no que temos aquí', sinalou o conselleiro, que apostou por 'abrir un debate' en 2014 sobre 'se ese é o momento oportuno para continuar'.
DESCARTA O MUSEO DOS NENOS
Non obstante, Roberto Varela si descartou que, en caso de construirse, un de edificios se constitúa en Centro Internacional de Arte e Museo dos Nenos, un proxecto creado polo Goberno bipartito.
Segundo recordou o conselleiro, un dos edificios aínda non iniciados, que orixinariamente era para Novas Tecnoloxías, foi modificado polo bipartito como Centro de Arte Internacional e Museo dos Nenos, algo que 'está descartado' polo actual Goberno. 'Paréceme que os nenos debería ter acceso a todos os museos', indicou Varela, ao tempo que descartou un Centro de Arte Internacional que crearía 'competencia' cos centros e museos de arte contemporánea de Galicia.
Pola súa banda, tamén queda agora en suspenso ata 2014 a posibilidade de construír o Teatro da Ópera, que o bipartito 'converteu no Escenario Obradoiro', un espazo 'máis ecléctico e máis caro' sobre o que se 'reflexionará' dentro de tres anos.
Segundo apuntou Varela, a Xunta leva invertidos na construción do Complexo do Gaiás 300 dos 475 millóns de euros nos que estaba presupostada a Cidade da Cultura, unha inversión que 'vai ha quedar así ata que nun futuro se decida outra cousa'.
