O capitán do Deportivo asegura que "non todos os Riazor Blues son violentos", polo que discrepou coa medida de pechar toda a bancada
O capitán do Deportivo da Coruña, Manuel Pablo García, considerou hoxe "precipitadas" as medidas adoptadas contra os ultras, tanto da LFP como as do propio club galego, que pechou a bancada dos Riazor Blues despois da liorta co Frente Atlético, en que faleceu un seareiro coruñés.
"Creo que foi precipitada", comentou o canario nunha rolda de prensa sobre a clausura da bancada dos Riazor Blues.
O lateral do Deportivo xustificou a súa opinión ao asegurar que "non todos os Riazor Blues son violentos", polo que discrepou coa medida de pechar toda a bancada.
O secretario de Estado de Seguridade, Francisco Martínez, anunciou hoxe o cesamento dos coordinadores de seguridade do Atlético de Madrid e de eventos deportivos da Policía Nacional, que se ocupa do Deportivo da Coruña, despois da liorta que no día 30 de novembro acabou coa vida dun afeccionado ultra dos Riazor Blues nos arredores do Vicente Calderón.
