A Xunta prevé anunciar de forma 'inminente' o reparto de concesións para a explotación de enerxía eólica cunha potencia de 2.325 megavatios, informou a Consellería de Economía e Industria.
'Desbloquearemos a situación de parálise do sector eólico e, de forma inminente e en prazo, resolveremos a repartición de máis de 2.300 megavatios', comentou o conselleiro Javier Guerra, nun seminario celebrado en Viana do Castelo.
O concurso, ao que aspiran un centenar de empresas e cuxos beneficiarios poderían ser anunciados a finais desta semana, podería atraer investimentos de 5.000 a 6.000 millóns de euros na construción de parques eólicos e en plans industriais asociados, e xerar de 10.000 a 12.000 novos postos de traballo, segundo as expectativas da Xunta.
As peticións das empresas alcanzan até sete veces a potencia que espera conceder a Xunta, e que é dun máximo de 350 megavatios por firma, e entre as que aspiran a beneficiarse figuran Gas Natural Fenosa, Enel, Eon, Iberdrola e Acciona.
A Consellería de Economía e Industria indicou en agosto pasado recibir 524 plans industriais asociados, dos que 362 están relacionados co sector enerxético, seguidos das 58 propostas vinculadas a industrias manufactureiras, e das 26 propostas vinculadas ao sector servizos.
O concurso, ao que aspiran un centenar de empresas e cuxos beneficiarios poderían ser anunciados a finais desta semana, podería atraer investimentos de 5.000 a 6.000 millóns de euros na construción de parques eólicos e en plans industriais asociados, e xerar de 10.000 a 12.000 novos postos de traballo, segundo as expectativas da Xunta.
As peticións das empresas alcanzan até sete veces a potencia que espera conceder a Xunta, e que é dun máximo de 350 megavatios por firma, e entre as que aspiran a beneficiarse figuran Gas Natural Fenosa, Enel, Eon, Iberdrola e Acciona.
A Consellería de Economía e Industria indicou en agosto pasado recibir 524 plans industriais asociados, dos que 362 están relacionados co sector enerxético, seguidos das 58 propostas vinculadas a industrias manufactureiras, e das 26 propostas vinculadas ao sector servizos.
