O Consello de Ministros autorizou este venres os Gobernos de Galicia e de Madrid a emitir débeda polo 0,35 por cento do seu PIB, é dicir, a metade do 0,7 por cento de déficit autorizado para este ano.
O importe autorizado para Galicia ascende a 201,40 millóns de euros e o de Madrid, a 657,10 millóns, o que representa o 0,35% do PIB, unha porcentaxe que corresponde a un primeiro tramo do obxectivo de déficit para 2013, segundo a proposta formulada polo Ministerio de Hacienda e Administraciones Públicas sobre obxectivos de déficit e débeda de cada unha das comunidades autónomas para o período 2013-2015, que foi informada favorablemente polo Pleno do Consello de Política Fiscal e Financeira do 31 de xullo de 2012.
Estas autorizacións para financiar déficit de 2013 prodúcense unha vez que o Consello de Ministros autorizou a todas as comunidades autónomas as operacións de endebedamento solicitadas para financiar as amortizacións de longo prazo de 2013 (que non supoñen un incremento do endebedamento das Comunidades Autónomas ao final do exercicio) e a anualidade das liquidacións negativas correspondentes a 2008 e 2009 do sistema de financiamento das comunidades de réxime común e cidades con Estatuto de Autonomía.
Precisamente, a Xunta colocou 'en catro días' en xaneiro os 1.024 millóns de euros de débeda que tiña autorizado nese momento polo Consello de Ministros, con intereses de entre o 4,5% e o 6%, o que o Goberno galego interpreta como un signo de que hai interese nos mercados.
Sobre esta nova emisión de débeda autorizada, fontes da Consellería de Facenda explicaron que, polo momento, descoñecen as condicións específicas que se requiren, pero aseguraron que a intención é facer a devandita emisión. Así mesmo, volveron descartar que Galicia vaia recorrer ao Fondo de Liquidez Autonómica (FLA) porque 'non ten problemas' para financiarse.
Estas autorizacións para financiar déficit de 2013 prodúcense unha vez que o Consello de Ministros autorizou a todas as comunidades autónomas as operacións de endebedamento solicitadas para financiar as amortizacións de longo prazo de 2013 (que non supoñen un incremento do endebedamento das Comunidades Autónomas ao final do exercicio) e a anualidade das liquidacións negativas correspondentes a 2008 e 2009 do sistema de financiamento das comunidades de réxime común e cidades con Estatuto de Autonomía.
Precisamente, a Xunta colocou 'en catro días' en xaneiro os 1.024 millóns de euros de débeda que tiña autorizado nese momento polo Consello de Ministros, con intereses de entre o 4,5% e o 6%, o que o Goberno galego interpreta como un signo de que hai interese nos mercados.
Sobre esta nova emisión de débeda autorizada, fontes da Consellería de Facenda explicaron que, polo momento, descoñecen as condicións específicas que se requiren, pero aseguraron que a intención é facer a devandita emisión. Así mesmo, volveron descartar que Galicia vaia recorrer ao Fondo de Liquidez Autonómica (FLA) porque 'non ten problemas' para financiarse.
