O cadro de persoal do estaleiro moañés Rodman Polyships aprobou por unanimidade o Expediente de Regulación de Emprego (ERE) extintivo presentado pola empresa, tras unha serie de conversacións nas que, finalmente, se logrou reducir un 40 por cento o impacto da proposta inicial da empresa, que consistía en eliminar 120 do total de 277 empregos da planta. Ademais, crearase unha bolsa de emprego que vincula a reincorporación dos afectados, que serán 72, á recuperación da compañía.
Segundo explica o presidente do comité, Moisés Currás -da CIG-, conseguiuse reducir un 40 por cento o impacto da formulación inicial da empresa mediante unha serie de medidas como as prexubilacions e os traspasos e cesións a outras empresas do grupo.
Segundo destacou, nunha nota de prensa, 'o 60 por cento restante -que son 72 persoas- incorpórase a unha bolsa de emprego que contén cláusulas garantistas de regreso unha vez se recupere a compañía', dedicada á construción de embarcacións de poliéster -a cal xustificara a presentación do expediente pola situación derivada da caída de vendas-.
En canto ás indemnizacións, indicou que se logrou que recompensasen os 'esforzos' realizados polos traballadores máis castigados durante os dous ERE rotativos presentados anteriormente pola compañía.
Ademais, o acordo sobre o ERE establece unha serie de 'cláusulas de exclusión', polas que se deixa fóra desta medida regulatoria ás persoas maiores de 55 anos e ás mulleres, co obxectivo de favorecer a colectivos de difícil incorporación ao mercado laboral.
'SACRIFICIO TEMPORAL'
Moisés Currás indicou que o acordo foi posible pola unidade que demostrou o cadro de persoal e que, segundo engade, quedou patente na asemblea celebrada o luns, onde se ratificou por unanimidade. O presidente do comité mostrouse consciente de que 'non se trata dunha boa saída' pero 'é a mellor posible nestes momentos', xa que 'todos' teñen confianza no futuro da empresa.
Nesta liña, mostrouse convencido de que se trata dun 'sacrificio temporal' para o conxunto de empregados da empresa e espera recuperar canto antes 'o que agora se perde'.
Segundo destacou, nunha nota de prensa, 'o 60 por cento restante -que son 72 persoas- incorpórase a unha bolsa de emprego que contén cláusulas garantistas de regreso unha vez se recupere a compañía', dedicada á construción de embarcacións de poliéster -a cal xustificara a presentación do expediente pola situación derivada da caída de vendas-.
En canto ás indemnizacións, indicou que se logrou que recompensasen os 'esforzos' realizados polos traballadores máis castigados durante os dous ERE rotativos presentados anteriormente pola compañía.
Ademais, o acordo sobre o ERE establece unha serie de 'cláusulas de exclusión', polas que se deixa fóra desta medida regulatoria ás persoas maiores de 55 anos e ás mulleres, co obxectivo de favorecer a colectivos de difícil incorporación ao mercado laboral.
'SACRIFICIO TEMPORAL'
Moisés Currás indicou que o acordo foi posible pola unidade que demostrou o cadro de persoal e que, segundo engade, quedou patente na asemblea celebrada o luns, onde se ratificou por unanimidade. O presidente do comité mostrouse consciente de que 'non se trata dunha boa saída' pero 'é a mellor posible nestes momentos', xa que 'todos' teñen confianza no futuro da empresa.
Nesta liña, mostrouse convencido de que se trata dun 'sacrificio temporal' para o conxunto de empregados da empresa e espera recuperar canto antes 'o que agora se perde'.
