Traballadores de Pescanova non descartan mobilizarse ou realizar algún outro tipo de acción reivindicativa ante a situación de 'incerteza' na empresa, que solicitou a declaración voluntaria de concurso de acredores, segundo confirmaron a Europa Press fontes sindicais.
CC.OO., sindicato maioritario na representación de traballadores, reunirá este venres aos seus delegados nos comités de empresas do grupo e, o sábado, celebrará unha asemblea 'na que se formularán as medidas a tomar'. 'Non descartamos ningún tipo de acción', apuntou a Europa Press o responsable de Alimentación do sindicato, Francisco Vilar.
Non obstante, non tomou aínda decisión ningunha e, de feito, a presidenta do comité de empresa de Frivipesca, Josefina Verdura, da CUT, desmentiu que se acordase ningún tipo de mobilización ou protesta.
Fontes coñecedoras da situación da empresa confirmaron a Europa Press a 'grande inquietude' que existe no equipo de Pescanova S.A., así como nas súas filiais galegas, e mesmo o 'malestar' pola falta de información por parte da dirección do grupo empresarial. A ese respecto, os sindicatos seguen esperando unha resposta ás súas peticións de reunirse coa cúpula da multinacional.
Esta actitude contrasta coa posición mantida polos empregados da multinacional hai tres semanas, cando representantes dos traballadores compareceron ante os medios para ler un comunicado no que manifestaban a súa 'confianza e apoio' á dirección de Pescanova.
Por outra banda, este mércores a primeira hora produciuse un incidente ás portas das instalacións de Chapela, cando un grupo de persoas, algúns deles delegados sindicais, aínda que non de Pescanova, manifestaron o seu descontento coa dirección do grupo lanzando carteis con lemas críticos co presidente, Manuel Fernández de Sousa.
Non obstante, non tomou aínda decisión ningunha e, de feito, a presidenta do comité de empresa de Frivipesca, Josefina Verdura, da CUT, desmentiu que se acordase ningún tipo de mobilización ou protesta.
Fontes coñecedoras da situación da empresa confirmaron a Europa Press a 'grande inquietude' que existe no equipo de Pescanova S.A., así como nas súas filiais galegas, e mesmo o 'malestar' pola falta de información por parte da dirección do grupo empresarial. A ese respecto, os sindicatos seguen esperando unha resposta ás súas peticións de reunirse coa cúpula da multinacional.
Esta actitude contrasta coa posición mantida polos empregados da multinacional hai tres semanas, cando representantes dos traballadores compareceron ante os medios para ler un comunicado no que manifestaban a súa 'confianza e apoio' á dirección de Pescanova.
Por outra banda, este mércores a primeira hora produciuse un incidente ás portas das instalacións de Chapela, cando un grupo de persoas, algúns deles delegados sindicais, aínda que non de Pescanova, manifestaron o seu descontento coa dirección do grupo lanzando carteis con lemas críticos co presidente, Manuel Fernández de Sousa.
