Un tren automotor conectará dende este martes as cidades de Vigo e Oporto (Portugal) de forma directa, con dúas frecuencias diarias, nun tempo de viaxe de pouco máis de dúas horas.
Así o explicou este luns a ministra de Fomento, Ana Pastor, que participou na viaxe inaugural xunto co ministro de Economía portugués, Álvaro Santos Pereira.
Segundo sinalou Pastor, este traxecto, que ten un custo de algo menos de 15 euros, é un 'primeiro paso do que será o futuro' e 'é o avance que se puido facer neste momento'.
A ministra de Fomento sinalou que, 'nunha segunda fase', se culminará a electrificación da vía, o que 'aínda vai facer máis curta a viaxe'. Así mesmo, recoñeceu que, algúns tramos aínda son de vía única e 'ten que haber cruzamento de trens'.
'Pero estamos satisfeitos, haberá moita fluidez de persoas, a un prezo moi razoable en tempos de crise', engadiu Pastor, quen subliñou que 'a moita xente lle vai compensar a viaxe'.
Pola súa banda, o ministro portugués Álvaro Santos Pereira, destacou que este novo servizo vai favorecer 'unha maior integración entre os dous países', e permitirá 'dinamizar o turismo e o comercio'. O ministro luso tamén recalcou que ambas as dúas rexións continuarán coa 'modernización' da liña e unha maior 'integración' dos sistemas para que estes trens sexan cada vez máis 'competitivos'.
PARADAS
Esta conexión permitirá pasar dun tempo de viaxe de máis de tres horas a unha hora menos, xa que o tren deixará de parar en 14 ou 15 estacións (dependendo do tren). Ademais, porase en marcha un servizo complementario, tipo lanzadeira, que conectará Vigo coa fronteira portuguesa, con paradas en Redondela, O Porriño, Guillarei e Tui.
Na viaxe inaugural participaron, ademais dos ministros, numerosas autoridades españolas e portuguesas. Así, viaxan, entre outros, o conselleiro Agustín Hernández; a directora de Turismo de Galicia, Nava Castro; o presidente da deputación de Pontevedra, Rafael Louzán; o delegado e o subdelegado do Goberno; e varios empresarios.
Segundo sinalou Pastor, este traxecto, que ten un custo de algo menos de 15 euros, é un 'primeiro paso do que será o futuro' e 'é o avance que se puido facer neste momento'.
A ministra de Fomento sinalou que, 'nunha segunda fase', se culminará a electrificación da vía, o que 'aínda vai facer máis curta a viaxe'. Así mesmo, recoñeceu que, algúns tramos aínda son de vía única e 'ten que haber cruzamento de trens'.
'Pero estamos satisfeitos, haberá moita fluidez de persoas, a un prezo moi razoable en tempos de crise', engadiu Pastor, quen subliñou que 'a moita xente lle vai compensar a viaxe'.
Pola súa banda, o ministro portugués Álvaro Santos Pereira, destacou que este novo servizo vai favorecer 'unha maior integración entre os dous países', e permitirá 'dinamizar o turismo e o comercio'. O ministro luso tamén recalcou que ambas as dúas rexións continuarán coa 'modernización' da liña e unha maior 'integración' dos sistemas para que estes trens sexan cada vez máis 'competitivos'.
PARADAS
Esta conexión permitirá pasar dun tempo de viaxe de máis de tres horas a unha hora menos, xa que o tren deixará de parar en 14 ou 15 estacións (dependendo do tren). Ademais, porase en marcha un servizo complementario, tipo lanzadeira, que conectará Vigo coa fronteira portuguesa, con paradas en Redondela, O Porriño, Guillarei e Tui.
Na viaxe inaugural participaron, ademais dos ministros, numerosas autoridades españolas e portuguesas. Así, viaxan, entre outros, o conselleiro Agustín Hernández; a directora de Turismo de Galicia, Nava Castro; o presidente da deputación de Pontevedra, Rafael Louzán; o delegado e o subdelegado do Goberno; e varios empresarios.
