O Sindicato Labrego Galego (SLG) someterá a referendo no seu VIII Congreso, que se celebrará este sábado, os seus eixes básicos de traballo para os próximos catro anos, entre os que figuran a loita pola 'soberanía alimentaria', polos servizos públicos para persoas e explotacións e por uns prezos e mercados 'xustos'.
Así pois, o próximo 5 de novembro, a central sindical elixirá en Montouto (A Coruña) as 20 persoas que formarán parte da súa Dirección Nacional, e á que ocupará o posto da Secretaría Xeral. Ademais, debateranse os tres eixes citados, que xurdiron dos diferentes congresos sectoriais que se celebraron ao longo deste ano.
Neste sentido, a actual secretaria xeral, Carme Freire, proclamou a necesidade de 'defender recursos esenciais' para a produción como a auga, a terra ou a semente. Ademais, cargou contra a lei de Mobilidade de Terras, a de Montes ou a normativa de Augas, así como a 'imposición' de transxénicos que, ao seu xuízo, supoñen 'agresións directas' á sociedade.
Á súa vez, advertiu da 'ameaza' que pesa sobre a cobertura sanitaria e a educación das persoas que viven no medio rural e manifestou que o SLG manterá unha 'fronte de loita aberta' contra este 'proceso privatizador global' que, segundo sinalou, xa afectou a varios ámbitos do sector agrícola.
Para Freire, estas son 'propostas ineludibles' para que agricultores e gandeiros poidan seguir vivindo do seu traballo e no medio rural'. Ao mesmo tempo, incidiu en que a central sindical pretende defender 'valores esenciais' como o coidado do medio e o mantemento dunha cultura 'en grave risco de desaparición'.
Neste sentido, a actual secretaria xeral, Carme Freire, proclamou a necesidade de 'defender recursos esenciais' para a produción como a auga, a terra ou a semente. Ademais, cargou contra a lei de Mobilidade de Terras, a de Montes ou a normativa de Augas, así como a 'imposición' de transxénicos que, ao seu xuízo, supoñen 'agresións directas' á sociedade.
Á súa vez, advertiu da 'ameaza' que pesa sobre a cobertura sanitaria e a educación das persoas que viven no medio rural e manifestou que o SLG manterá unha 'fronte de loita aberta' contra este 'proceso privatizador global' que, segundo sinalou, xa afectou a varios ámbitos do sector agrícola.
Para Freire, estas son 'propostas ineludibles' para que agricultores e gandeiros poidan seguir vivindo do seu traballo e no medio rural'. Ao mesmo tempo, incidiu en que a central sindical pretende defender 'valores esenciais' como o coidado do medio e o mantemento dunha cultura 'en grave risco de desaparición'.
