O grupo investiga un composto para cancro de páncreas que pode converterse no novo 'fármaco estrela'
As dificultades para comercializar Yondelis para cancro de ovario en Estados Unidos afectou ás previsións do Grupo Zeltia de alcanzar números positivos en 2011, segundo admitiu este mércores o presidente do grupo, José María Fernández de Sousa-Faro, nunha rolda de prensa antes da reunión da Xunta de Accionistas celebrada en Vigo.
Segundo explicou, a empresa con licenza para a comercialización deste fármaco -Johnson&Johnson- atopou con novas esixencias da Axencia Americana de Medicamentos (FDA), que pide estudios adicionais, o que aprazou a venda de Yondelis é Estados Unidos.
A este respecto, Fernández de Sousa mostrouse convencido de que, finalmente, a filial PharmaMar logrará introducir o fármaco nese mercado, aínda que recoñeceu que a posición das autoridades norteamericanas afecta aos resultados económicos da empresa.
Así, sinalou que o grupo 'prevía saír este ano dos números vermellos coa aprobación de Yondelis para Estados Unidos', pero o atraso fará que ese obxectivo estea 'moi xusto'. Non obstante, recordou que, malia o 'mal ano' que foi o 2010 para o sector farmacéutico, as vendas de Yondelis aumentaron un 70,3 por cento con respecto a 2010, e as vendas globais de Zeltia aumentaron un 24,4 por cento.
O resultado neto consolidado do grupo o ano pasado foi de -7,4 millóns de euros, cunha inversión en I+D+i de 55,7 millóns de euros, e unhas vendas consolidadas que alcanzaron os 153,5 millóns de euros.
Entre as dificultades que tivo que afrontar a división de biotecnoloxía de Zeltia durante o ano pasado, está o atraso na concesión de prezos de reembolso por parte de varios países, entre eles, Francia, Italia e Reino Unidos. A isto súmase o problema do atraso no cobramento: o presidente recoñeceu que entre Italia e España deben 13 millóns a Zeltia, dos que 6 millóns corresponden a comunidades autónomas españolas, aínda que precisou que 'Galicia, xunto con Navarra, País Vasco e La Rioja, son das que pagan ben'.
NOVOS FÁRMACOS
Con respecto aos ensaios de novos fármacos, Fernández de Sousa recordou que PharmaMar iniciará proximamente a fase II do estudio do composto PM01183 para cancro de páncreas, un composto que 'ten moi boa tolerancia e actividade' e que, mesmo, podería dar resultados positivos en casos de leucemia.
'Estamos moi ilusionados, porque dá moi bos resultados', sinalou o presidente do grupo, quen sinalou que o PM01183 'ten unha ventá terapéutica moi ampla e grandes marxes de seguridade'. Así, confirmou que a fase II, que está previsto iniciarse en xuño, terá unha duración de entre 18 e 24 meses, momento a partir do cal 'empezarán a verse resultados' e non descarta que este medicamento poida ser o novo 'fármaco estrela' de PharmaMar.
Por outra banda, destacou o desenvolvemento clínico doutro composto de orixe mariña, o PM060184, un 'produto moi prometedor' indicado para pacientes con tumores sólidos. Así mesmo, recordou os avances 'ilusionantes' do fármaco Nypta para enfermos de Alzheimer, que logrou ralentizar a enfermidade.
Segundo explicou, a empresa con licenza para a comercialización deste fármaco -Johnson&Johnson- atopou con novas esixencias da Axencia Americana de Medicamentos (FDA), que pide estudios adicionais, o que aprazou a venda de Yondelis é Estados Unidos.
A este respecto, Fernández de Sousa mostrouse convencido de que, finalmente, a filial PharmaMar logrará introducir o fármaco nese mercado, aínda que recoñeceu que a posición das autoridades norteamericanas afecta aos resultados económicos da empresa.
Así, sinalou que o grupo 'prevía saír este ano dos números vermellos coa aprobación de Yondelis para Estados Unidos', pero o atraso fará que ese obxectivo estea 'moi xusto'. Non obstante, recordou que, malia o 'mal ano' que foi o 2010 para o sector farmacéutico, as vendas de Yondelis aumentaron un 70,3 por cento con respecto a 2010, e as vendas globais de Zeltia aumentaron un 24,4 por cento.
O resultado neto consolidado do grupo o ano pasado foi de -7,4 millóns de euros, cunha inversión en I+D+i de 55,7 millóns de euros, e unhas vendas consolidadas que alcanzaron os 153,5 millóns de euros.
Entre as dificultades que tivo que afrontar a división de biotecnoloxía de Zeltia durante o ano pasado, está o atraso na concesión de prezos de reembolso por parte de varios países, entre eles, Francia, Italia e Reino Unidos. A isto súmase o problema do atraso no cobramento: o presidente recoñeceu que entre Italia e España deben 13 millóns a Zeltia, dos que 6 millóns corresponden a comunidades autónomas españolas, aínda que precisou que 'Galicia, xunto con Navarra, País Vasco e La Rioja, son das que pagan ben'.
NOVOS FÁRMACOS
Con respecto aos ensaios de novos fármacos, Fernández de Sousa recordou que PharmaMar iniciará proximamente a fase II do estudio do composto PM01183 para cancro de páncreas, un composto que 'ten moi boa tolerancia e actividade' e que, mesmo, podería dar resultados positivos en casos de leucemia.
'Estamos moi ilusionados, porque dá moi bos resultados', sinalou o presidente do grupo, quen sinalou que o PM01183 'ten unha ventá terapéutica moi ampla e grandes marxes de seguridade'. Así, confirmou que a fase II, que está previsto iniciarse en xuño, terá unha duración de entre 18 e 24 meses, momento a partir do cal 'empezarán a verse resultados' e non descarta que este medicamento poida ser o novo 'fármaco estrela' de PharmaMar.
Por outra banda, destacou o desenvolvemento clínico doutro composto de orixe mariña, o PM060184, un 'produto moi prometedor' indicado para pacientes con tumores sólidos. Así mesmo, recordou os avances 'ilusionantes' do fármaco Nypta para enfermos de Alzheimer, que logrou ralentizar a enfermidade.
