Un 20 por cento da poboación de Galicia sufrirá rinite alérxica coa chegada da primavera, debido principalmente aos ácaros do po, que empeoran os días úmeros, segundo explican alergólogos.
En concreto, o doutor Joaquín Martín Lázaro, alergólogo de Hospital Quirón A Coruña, alerta que a incidencia deste ano "será intensa", especialmente os días secos, soleados e de vento.
A rinite é un dos principais síntomas alérxicos cos que se atopan os cidadáns nos meses de primavera. Defínese como a inflamación da mucosa nasal caracterizada por un ou máis dos seguintes síntomas: conxestión nasal, esbirros ou comechón nasal.
Esta enfermidade afecta a entre un 3 e un 25 por cento da poboación; cifras que van en aumento nos últimos anos, segundo os expertos. En ocasións, os signos pódense acompañar de sensación de falta de aire, opresión torácica ou sibilancias (pitos), que é ao que se denomina asma bronquial.
Os alergólogos indican que, aínda que ten unha maior incidencia na época primaveral, se desenvolve case todo o ano e nestes meses espera que "sexa intensa" debido ás chuvias do outono e inverno.
Por iso, o doutor Martín aconsella manter as ventás do dormitorio pechadas, viaxar coas xanelas do coche subidas, evitar saídas ao campo en plena propagación e utilizar lentes de sol.
