As provincias da Coruña e Pontevedra permanecerán mañá en alerta laranxa por ventos de forza oito e mar moi groso, con ondas que poden atinxir os catro metros, onde tamén choverá, mentres que en toda a Comunidade as temperaturas non variarán.
Así informou a Dirección Xeral de Emerxencias e Interior da Consellería de Presidencia e o MeteoGalicia, que sinalou que os principais indicadores das temperaturas para mañá son os seguintes:
A Coruña 12° 15°; Cuntis 10° 15°; Ferrol 12° 14°; Fisterra 11° 14°; Lalín 7° 12°; Lugo 7° 13°; Monforte 8° 14°; O Barco 6° 14°; Ortigueira 11° 15°; Ourense 9° 16°; Pedrafita 2° 8°; Pontevedra 11° 16°; Ribadeo 11° 15°; Santiago 9° 13°; Verín 6° 14°; Vigo 11° 16°; Vilagarcía 11° 16°; Viveiro 11° 15°.
Predición marítima:
Costa Cantábrica: Vento do norte, forza 4 a 6 pola mañá a 5 a 6 pola tarde; forte marusía; visibilidade regular; mar de fondo do noroeste, con ondas de 3 a 4 metros.
Ártabro e Bares: Vento do norte, forza 5 a 7 pola mañá a 5 a 6 pola tarde; mar de vaga; visibilidade regular; mar de fondo do noroeste, con ondas de 4 a 5 metros pola mañá a 3 a 4 metros pola tarde.
Costa da Morte: Vento do norte, forza 6 a 8 pola mañá a 5 a 7 pola tarde; mar de vaga; visibilidade de mala a regular; mar de fondo do noroeste, con ondas de 4 a 5 metros pola mañá a 3 a 4 metros pola tarde.
Rías Baixas: Vento do norte, forza 6 a 7 pola mañá a 5 a 6 pola tarde; mar de vaga; visibilidade boa; mar de fondo do noroeste, con ondas de 4 a 5 metros pola mañá a 3 a 4 metros pola tarde.
