Galicia

Comisións Obreiras denuncia que os despedimentos no grupo Tragsa se realizan 'de xeito indiscriminado' e 'dun día para outro'

Galicia

ERE

Comisións Obreiras denuncia que os despedimentos no grupo Tragsa se realizan 'de xeito indiscriminado' e 'dun día para outro'

Dende que o pasado día 18 de febreiro se puxo en marcha o maior ERE dunha empresa do sector público, apunta que saíron da compañía 231 persoas no conxunto estatal, das 1.336 previstas.

O sindicato subliña que os despedimentos se realizaron "de xeito indiscriminado" e "dun día para outro" sen respectar "as mínimas formas". AO seu xuízo, as propias cartas de despedimento supoñen "un insulto aos traballadores" toda vez que se "puntúa" o traballo realizado con casos de empregados con varios anos de servizo na empresa que "recibiron cero puntos de experiencia" no posto".

O Tribunal Administrativo Central de Recursos Contractuais decidiu, hai xa uns días, suspender cautelarmente a adxudicación a Le Hecht Harrison do contrato de recolocación ao persoal despedido, malia o cal critica que Tragsa "non paralizou os despedimentos ata que non saíse unha decisión definitiva do Tribunal".

Por último, CC.OO. recordou que o próximo 13 de marzo se celebrará o xuízo na Audiencia Nacional polas demandas presentadas pola contra o ERE de Tragsa. Por iso, mostrou a súa confianza en que "estas e outras evidencias" reflectidas na demanda presentada sirvan para que este procedemento "sexa declarado nulo e supoña a readmisión de todas e todos".