O comité de empresa lanzou duras críticas ao non aprobar o proxecto do estatuto para as electrointensivas
O presidente do comité de empresa da fábrica de Alcoa na Coruña, Juan Carlos López Corbacho, lanzou este venres duras críticas ao Executivo central por non aprobar este vernes o proxecto de estatuto para as electrointensivas e sostivo que "o Goberno é ao final quen nos vai a pechar".
Os traballadores de Alcoa amosaron este vernes, nunha reunión co alcalde da Coruña, Xulio Ferreiro, o seu malestar por este contratempo ante o que senten "estafados porque nos mentiron unha vez máis".
"O Goberno prometeunos en xaneiro un escenario de seis meses para buscar unha saída para as plantas" e, nas diferentes reunións que mantiveron, "comprometíanse a garantir o cento por cento do emprego e mentíronnos porque non é así", recoñeceu Corbacho.
