O alcalde do municipio de Friol (Lugo), Antonio Muíña, prevé que arredor de 50.000 persoas visiten a vixésima edición da Feira do Queixo e Pan de Ousá, que se celebrará o vindeiro 25 de marzo.
A organización da feira foi financiada con 65.000 euros, '10.000 menos que a pasada edición', segundo detallou Muíña nunha conferencia de prensa.
A celebración iniciarase ás 11.30 da mañá co corte de cinta por parte do conselleiro de Presidencia, Alfonso Rueda, e contará con 100 postos de queixarías e 6 de panadarías que porán á venda un total de 10.000 pezas de queixo e 3.000 de pan.
No mesmo acto, o rexedor aproveitou a celebración hoxe do Día Internacional da Muller para presentar o novo logotipo do municipio, 'unha muller de campo que abraza un queixo e un pan de Friol'.
