En concreto, o lume quedou controlado ás 18,15 horas, tras iniciarse ás 13,41 horas. Segundo as últimas estimacións provisionais, a superficie afectada é dunhas 50 hectáreas, a maioría de monte raso.
O incendio declarado no municipio pontevedrés da Lama, na localidade de Seixido, foi controlado, segundo informou a Consellería do Medio Rural e do Mar.
En concreto, o lume quedou controlado ás 18,15 horas, tras iniciarse ás 13,41 horas. Segundo as últimas estimacións provisionais, a superficie afectada é dunhas 50 hectáreas, a maioría de monte raso.
Nos traballos de extinción deste lume participaron ata o momento dous axentes forestais, seis brigadas, tres motobombas e seis helicópteros.
O departamento que dirixe Rosa Quintana recordou que está a disposición da cidadanía o número de teléfono gratuíto 085, ao que se debe chamar en caso de detectar algún incendio forestal.
Precisamente, dende o xoves permanece terminantemente prohibido realizar queimas agrícolas e forestais. Esta actividade está anulada ata novo aviso debido ás condicións actuais de vento e ás previsións para os próximos días.