A Deputación da Coruña financiará a catalogación e informatización dos fondos da Biblioteca da Casa Consulado, segundo o convenio subscrito entre o presidente da institución provincial, Diego Calvo, e o seu homólogo da Fundación Biblioteca da Casa Consulado, Javier Padín.
A través deste acordo, a institución provincial achegará 8.000 euros "para que a fundación financie o 77,96% do custo total desta nova fase do proceso de dixitalización, que ascende a 10.260,80 euros".
Con este presuposto, poderanse catalogar "outras 1.060 unidades bibliográficas", indica a institución provincial, que engade que se suma así "ás partidas anteriores que xa facilitou a Deputación polo mesmo importe".
A Biblioteca Ral Consulado da Coruña data de 1803 e nela hai "libros e incunables sobre toda a historia económica da cidade, ademais doutras obras destacadas como a reforma da Torre de Hércules", explica a Deputación.
