En estado grave a muller rescatada do incendio da súa vivenda, en Lugo

A muller que tivo que ser reanimada polos servizos de emerxencias tras ser rescatada inconsciente do interior da súa casa en Barreiros permanece ingresada na Unidade de Coidados Intensivos do Hospital da Costa, en Burela, por mor da gran cantidade de fume que respirou no incendio que afectou o edificio de vivendas sociais dese municipio da Mariña.

Tanto ela como o seu marido foron evacuados polos servizos de emerxencias por mor da inhalación de fume, dado que o incendio se orixinou na cociña da súa casa, aparentemente por mor dun curtocircuíto no frigorífico.

A muller tivo que permanecer parte da xornada de onte nun coma inducido do que espertou a última hora da tarde, segundo informaron a EFE fontes próximas á familia, e aínda que evoluciona "de foma favorable" segue na UCI