O alcalde de Viveiro (Lugo), o socialista Melchor Roel, faleceu nesta mañá por causa da grave doenza que padecía desde hai meses, segundo informou o PSdeG-PSOE.
O propio Roel informara a corporación municipal de Viveiro, no transcurso dun pleno ordinario que decorreu en agosto do presente ano, de que padecía un cancro de pulmón, polo que ía ser sometido a tratamento.
Roel, alén de alcalde de Viveiro, foi deputado provincial entre os anos 2007 e 2011, na primeira etapa do bipartito que formaron socialistas e nacionalistas, e fíxose cargo nese período das competencias de persoal.