Unha fronte fría moi activa atravesará Galicia durante a primeira metade do día deixando ceos moi nubrados ou cubertos e precipitacións, persistentes e localmente fortes na metade oeste, que irán remitindo ao longo da tarde.
As temperaturas mínimas experimentarán un ascenso entre lixeiro e moderado, mentres que as máximas non experimentarán cambios significativos, polo que haberá moi pouca oscilación térmica.
Os ventos soprarán do sudoeste durante a madrugada e primeiras horas da mañá, fortes a moi fortes no litoral e nas zonas montañosas e fortes en xeral no interior, virando a noroeste e amainando durante a tarde.
Temperaturas previstas para mañá:
A Coruña, 13°/16°; Cuntis, 11°/14°; Ferrol, 13°/16°; Fisterra, 13°/16º; Lalín, 9°/13°; Lugo, 10°/14°; Monforte, 10°/13°; O Barco, 10/13°; Ortigueira, 12°/15°; Ourense, 11°/15°; Pedrafita, 6°/9°; Pontevedra, 13°/15°; Ribadeo, 12°/16°; Santiago, 11°/14°; Verín, 9°/14°; Vigo, 13°/15°; Vilagarcía, 13°/15°; Viveiro, 12°/15°.
Estado do mar:
Costa Cantábrica: Vento sudoeste pola mañá, noroeste pola tarde, forza 7 a 9 pola mañá a 6 a 8 pola tarde; de mar moi gordo a mar de vaga. Visibilidade mala. Mar de fondo do noroeste, con ondas de 6 a 7 metros pola mañá a 5 a 6 metros pola tarde.
Ártabro e Bares: Vento sudoeste pola mañá, noroeste pola tarde, forza 8 a 10 pola mañá a 6 a 7 pola tarde; de mar bravo a mar de vaga. Visibilidade mala. Mar de fondo do noroeste, con ondas de 7 a 8 metros pola mañá a 6 a 7 metros pola tarde.
Costa da Morte: Vento sudoeste pola mañá, noroeste pola tarde, forza 8 a 9 pola mañá a 5 a 7 pola tarde; de mar moi gordo a mar de vaga. Visibilidade de mala a regular. Mar de fondo do noroeste, con ondas de 7 a 8 metros.
Rías Baixas: Vento sudoeste pola mañá, noroeste pola tarde, forza 7 a 8 pola mañá a 5 a 6 pola tarde; de mar moi gordo a forte marusía. Visibilidade mala. Mar de fondo do noroeste, con ondas de 5 a 7 metros.
