Un home atracou a man armada o local comercial 'Open Algalia' da rúa Algalia de Arriba, no casco histórico de Santiago de Compostela, de onde se levou un botín de 450 euros.
Os feitos tiveron lugar sobre as 00.30 horas deste xoves, segundo explicou Compostela Monumental, cando un home 'posiblemente de nacionalidade romanesa', cunha 'pistola na man' apuntou ao irmán do propietario do establecemento.
Antes estes feitos, a asociación que aglutina comerciantes, empresarios e profesionais do casco histórico da capital de Galicia, solicitou ao Concello de Santiago e ao Corpo Nacional de Policía que destine 'máis efectivos, humanos e materiais' para 'frear dunha vez por todas o incremento de actos deste tipo ao longo do último ano'.
Segundo asegurou o presidente de Compostela Monumental, José Manuel Belo, nunha conversación mantida co concelleiro de Mobilidade e Seguridade Cidadá, Albino Vázquez, este aseguroulles que 'dende o Concello se están a poñer todos os medios para evitar que se repitan situacións como as vividas na madrugada deste xoves así como en días atrás'.
Antes estes feitos, a asociación que aglutina comerciantes, empresarios e profesionais do casco histórico da capital de Galicia, solicitou ao Concello de Santiago e ao Corpo Nacional de Policía que destine 'máis efectivos, humanos e materiais' para 'frear dunha vez por todas o incremento de actos deste tipo ao longo do último ano'.
Segundo asegurou o presidente de Compostela Monumental, José Manuel Belo, nunha conversación mantida co concelleiro de Mobilidade e Seguridade Cidadá, Albino Vázquez, este aseguroulles que 'dende o Concello se están a poñer todos os medios para evitar que se repitan situacións como as vividas na madrugada deste xoves así como en días atrás'.
