A Garda Civil imputou a un veciño de Ponteareas (Pontevedra), R.L.M., de 21 anos de idade, polo furto de 42 palés metálicos que, supostamente, subtraería dun supermercado desta localidade.
O pasado sábado, o xerente do establecemento presentou unha denuncia, na que sinalaba que o día anterior o avisaran da subtracción de palés. Cando comprobou o material, verificou que lle faltaban 33 palés tipo 'balear' e outros 9 palés tipo 'combi'.
As indagacións da Garda Civil permitiron localizar o presunto autor dos feitos, ao que se lle imputan dous delitos de furto (subtraeu os palés en dúas veces, os días 3 e 10 de maio).
As dilixencias pasaron ao Xulgado de Instrución número 3 de Ponteareas, onde se terá que presentar o imputado cando sexa requirido pola autoridade xudicial.
