O conselleiro de Cultura, Jesús Vázquez, 'lamentou' este martes a decisión de Xosé Luis Méndez Ferrín de dimitir do seu cargo como presidente da Real Academia Galega (RAG), ao tempo que lle expresou o seu 'máximo agradecemento' pola colaboración entre a institución e a Xunta.
En declaracións aos medios antes de participar nun acto en Santiago, Jesús Vázquez indicou que, aínda que 'lamenta' esta opción, entende que é 'unha decisión persoal', pola que hai que expresar 'o máximo respecto'.
Á Xunta, indicou, correspóndelle 'facer unha loanza da altura literaria e intelectual dun dos xigantes da nosa literatura', así como 'eloxiar a altura institucional' tras 'tres anos de moitísimo traballo conxunto' cunha 'correcta relación'.
Nesta liña, recordou que, dende a chegada de Méndez Ferrín á presidencia da RAG, se sacaron adiante 'proxectos como o dicionario en liña' da Academia ou 'o plan de financiamento', chegando a acordos 'moi importantes para que poidan seguir desenvolvendo o grande labor que veñen desenvolvendo'.
Finalmente, Jesús Vázquez asegurou que descoñece os motivos concretos que levaron a Méndez Ferrín a presentar a súa dimisión e se obedecen a presións dalgún tipo. 'O único que podo dicir é que onte recibín un mail persoal de Méndez Ferrín onde se despedía e daba grazas polo trato exquisito por parte da consellería, e así vai seguir sendo o noso trato coa figura de Méndez Ferrín', sentenciou.
Á Xunta, indicou, correspóndelle 'facer unha loanza da altura literaria e intelectual dun dos xigantes da nosa literatura', así como 'eloxiar a altura institucional' tras 'tres anos de moitísimo traballo conxunto' cunha 'correcta relación'.
Nesta liña, recordou que, dende a chegada de Méndez Ferrín á presidencia da RAG, se sacaron adiante 'proxectos como o dicionario en liña' da Academia ou 'o plan de financiamento', chegando a acordos 'moi importantes para que poidan seguir desenvolvendo o grande labor que veñen desenvolvendo'.
Finalmente, Jesús Vázquez asegurou que descoñece os motivos concretos que levaron a Méndez Ferrín a presentar a súa dimisión e se obedecen a presións dalgún tipo. 'O único que podo dicir é que onte recibín un mail persoal de Méndez Ferrín onde se despedía e daba grazas polo trato exquisito por parte da consellería, e así vai seguir sendo o noso trato coa figura de Méndez Ferrín', sentenciou.
