O escritor Manuel Rivas será investido o vindeiro 23 de marzo doutor honoris causa pola Universidade da Coruña (UDC), nun acto no que tamén recibirá esta distinción o hispanista John Rutherford.
Ademais, neste mesmo acto, entregarase a Medalla de Ouro da institución ao catedrático José María Barja, reitor entre os anos 2004 e 2011.
A UDC considera que Rivas é o máis importante escritor coruñés vivo e un dos máis polifacéticos e relevantes creadores en lingua galega, como pon de relevo a súa extensa traxectoria como xornalista, narrador e poeta.
A proposta para o seu nomeamento partiu do departamento de Galego-Portugués, Francés e Lingüística, que designou como padriño do novo doutor o profesor Carlos Paulo Martínez Pereiro.
Desde moi novo, con quince anos, Rivas comezou a traballar en prensa como meritorio no Ideal Gallego.
Licenciado en Ciencias da Información pola Universidade Complutense de Madrid, parte da súa obra xornalística está recollida en libros como 'Galicia, bonsái atlántico'; 'Toxos e flores'; 'O xornalismo é un conto'; 'Galicia, Galicia'; 'Unha espía no reino de Galicia' ou 'Os Grouchos'.
Como narrador, entre outras obras, publicou os libros de relatos 'Un millón de vacas' (Premio da Crítica española) e 'Que me queres, amor? (Premio Nacional de Narrativa 1996),
As súas principais novelas son 'O lapis do carpinteiro' (Premio da Crítica española), 'Os libros arden mal', co que conseguiu numerosos galardóns como os premios da crítica galega e española e foi libro do ano 2006 na Feira do Libro de Madrid.
A súa última novela publicada é 'Todo é silencio' (premio da Asociación de Escritores en 2010 e finalista premio Hammett de novela negra).
A UDC considera que Rivas é o máis importante escritor coruñés vivo e un dos máis polifacéticos e relevantes creadores en lingua galega, como pon de relevo a súa extensa traxectoria como xornalista, narrador e poeta.
A proposta para o seu nomeamento partiu do departamento de Galego-Portugués, Francés e Lingüística, que designou como padriño do novo doutor o profesor Carlos Paulo Martínez Pereiro.
Desde moi novo, con quince anos, Rivas comezou a traballar en prensa como meritorio no Ideal Gallego.
Licenciado en Ciencias da Información pola Universidade Complutense de Madrid, parte da súa obra xornalística está recollida en libros como 'Galicia, bonsái atlántico'; 'Toxos e flores'; 'O xornalismo é un conto'; 'Galicia, Galicia'; 'Unha espía no reino de Galicia' ou 'Os Grouchos'.
Como narrador, entre outras obras, publicou os libros de relatos 'Un millón de vacas' (Premio da Crítica española) e 'Que me queres, amor? (Premio Nacional de Narrativa 1996),
As súas principais novelas son 'O lapis do carpinteiro' (Premio da Crítica española), 'Os libros arden mal', co que conseguiu numerosos galardóns como os premios da crítica galega e española e foi libro do ano 2006 na Feira do Libro de Madrid.
A súa última novela publicada é 'Todo é silencio' (premio da Asociación de Escritores en 2010 e finalista premio Hammett de novela negra).
