A confraría ferrolana estuda a posibilidade de presentar un ERE se os non pagamentos alcanzan os tres meses
Os mariscadores da ría de Ferrol continúan, por décimo día consecutivo, coa súa acampada ante o edificio da Xunta de Galicia na cidade, ademais de colocar pancartas e ata unha embarcación, para protestar de forma simbólica ante os non pagamentos da Consellería do Mar, que lles debe as cantidades correspondentes aos meses de agosto e setembro.
No consello da Xunta de Galicia do xoves 6 de outubro aprobáronse os pagamentos correspondentes aos 12 días que os mariscadores traballaron en agosto cumprindo o plan de dinamización da ría establecido pola Consellería do Mar. Non obstante, os mariscadores denunciaron que unha semana despois, o diñeiro correspondente aínda non se ingresara.
Durante a protesta, os mariscadores foron recibidos polos representantes de Mar na demarcación de Ferrol, que lles avanzou que se tratará de que os pagamentos se fagan efectivos este venres ou o luns.
Non obstante, os non pagamentos de agosto súmanse aos de setembro, que aínda están pendentes de tramitarse. 'De momento non se sabe nada, o diñeiro non está ingresado e non sabemos nada, darannos mil euros, pero entre seguros, hipotecas e demais, xa están máis que gastados', lamentou o patrón maior da Confraría de Ferrol, José Luis Estévez.
O patrón maior anunciou que o pósito está a analizar cos seus servizos xurídicos a posibilidade de presentar un expediente de regulación de emprego temporal, se os non pagamentos se manteñen no tempo, para que os traballadores poidan percibir algún tipo de prestación.
REUNIÓN
Para a tarde deste xoves está convocada unha reunión da Mesa do Plan de Dinamización da Ría de Ferrol, que se realiza dúas veces ao ano coa participación de representantes da consellería, as confrarías e os sindicatos. Aínda que inicialmente os mariscadores pediran que se celebrase en Ferrol, tras recibir unha chamada do director xeral da Consellería accederon a participar no encontro en Santiago de Compostela.
Na reunión, analizarase a actual situación do Plan de Dinamización, que fora posto en marcha ante a elevada contaminación da Ría de Ferrol, que impedía a venda da ameixa en fresco e obrigaba aos mariscadores a recollela e depositala en augas limpas, para a súa depuración natural.
Conforme a ese plan, percibían 82 euros ao día por cada día de traballo dedicado a esta tarefa, e á limpeza e rexeneración da ría ferrolana.
No consello da Xunta de Galicia do xoves 6 de outubro aprobáronse os pagamentos correspondentes aos 12 días que os mariscadores traballaron en agosto cumprindo o plan de dinamización da ría establecido pola Consellería do Mar. Non obstante, os mariscadores denunciaron que unha semana despois, o diñeiro correspondente aínda non se ingresara.
Durante a protesta, os mariscadores foron recibidos polos representantes de Mar na demarcación de Ferrol, que lles avanzou que se tratará de que os pagamentos se fagan efectivos este venres ou o luns.
Non obstante, os non pagamentos de agosto súmanse aos de setembro, que aínda están pendentes de tramitarse. 'De momento non se sabe nada, o diñeiro non está ingresado e non sabemos nada, darannos mil euros, pero entre seguros, hipotecas e demais, xa están máis que gastados', lamentou o patrón maior da Confraría de Ferrol, José Luis Estévez.
O patrón maior anunciou que o pósito está a analizar cos seus servizos xurídicos a posibilidade de presentar un expediente de regulación de emprego temporal, se os non pagamentos se manteñen no tempo, para que os traballadores poidan percibir algún tipo de prestación.
REUNIÓN
Para a tarde deste xoves está convocada unha reunión da Mesa do Plan de Dinamización da Ría de Ferrol, que se realiza dúas veces ao ano coa participación de representantes da consellería, as confrarías e os sindicatos. Aínda que inicialmente os mariscadores pediran que se celebrase en Ferrol, tras recibir unha chamada do director xeral da Consellería accederon a participar no encontro en Santiago de Compostela.
Na reunión, analizarase a actual situación do Plan de Dinamización, que fora posto en marcha ante a elevada contaminación da Ría de Ferrol, que impedía a venda da ameixa en fresco e obrigaba aos mariscadores a recollela e depositala en augas limpas, para a súa depuración natural.
Conforme a ese plan, percibían 82 euros ao día por cada día de traballo dedicado a esta tarefa, e á limpeza e rexeneración da ría ferrolana.
