O accidente produciuse mentres o ferido traballaba nun serradoiro situado no lugar de Santa Mariña
Os servizos sanitarios de urxencia atenderon este luns un operario que resultou ferido grave tras recibir un forte golpe na cabeza e caer dende unha altura de catro metros de altura.
O accidente produciuse mentres o ferido traballaba nun serradoiro situado no lugar de Santa Mariña. Antes de ser trasladado ao Hospital Universitario Lucus Augusti (HULA), o ferido recibiu os primeiros auxilios no centro de saúde da localidade.
O 112 rexistrou o accidente pouco despois das 9,30 horas e informou os membros do GES de Monterroso e os axentes da Garda Civil. Urxencias Médicas xa mobilizara os seus recursos.
ACCIDENTE DE TRACTOR EN LOBIOS
Por outra banda, en Lobios un home recibiu asistencia sanitaria debido ás lesións provocadas por un accidente co tractor que manexaba.
Segundo explicaron os efectivos do GES de Lobios, o home resultou ferido nunha perna ao caerlle enriba unha máquina de arar que levaba enganchada ao motocultor.
Con todo, o afectado estaba perfectamente liberado e accesible. Os servizos sanitarios trasladárono ao PAC da localidade.
