A deputada presentou unha queixa ao día seguinte do incidente por non poder retirar o coche e culpou do sucedido a Rojo e ao xefe de seguridade
O Parlamento de Galicia asegura que nunca negou á deputada denunciada por un garda de seguridade, a socialista Beatriz Sestayo, a entrada no aparcamento subterráneo cun operario para quitar o coche que tiña avariado e que motivou o incidente co empregado da empresa Eulen o pasado 29 de outubro.
A deputada alegou que mantivo un segundo coche no aparcamento da Cámara -dende marzo- porque estaba estragado e asegurou que 'mesmo tramitou' coa Mesa que puidese entrar un operario de taller para sacalo, pero que se lle denegara.
Non obstante, fontes parlamentarias aseguraron a Europa Press que 'en ningún momento' solicitou, antes do 29 de outubro -cando se produciu o incidente o garda de seguridade-, entrar no aparcamento con alguén para poder quitar o coche.
Ademais, estas mesmas fontes aclararon que o único escrito de queixa que recibiron é con data do día 30, no que se recolle a protesta por non poder acceder ao recinto, e que se tramitou para a seguinte reunión da Mesa.
De feito, agregaron, o vehículo foi retirado 'o 31 de outubro', despois de que accedese acompañada dunha persoa para cargar a batería ao mencionado párking subterráneo.
'TRES DENEGACIÓNS REITERADAS'
Non obstante, no escrito de queixa formal que enviou Sestayo o 30 de outubro, e ao que tivo acceso Europa Press, a deputada subliña que 'solicitou autorización' para a entrada de asistencia técnica' e obtivo como resposta 'tres denegacións reiteradas'.
Así mesmo, nese documento, a parlamentaria socialista indica que lle preguntou á Mesa 'como debe acceder' a asistencia técnica 'sen recibir máis resposta da Presidenta ou do xefe de seguridade que a prohibición de acceder con outro automóbil familiar'. Así mesmo, denuncia que as indicacións recibidas pola vicesecretaria da Cámara, a socialista Concepción Burgo, 'non foron respectadas pola presidenta' do Parlamento, Pilar Rojo.
No escrito, a deputada afirma no documento do 30 de outubro que non ten 'ningunha queixa que facer respecto do persoal que recibe ordes', en referencia ao garda de seguridade co que mantivo o incidente e que presentou unha denuncia o día 6 de novembro, pero manifesta a súa 'protesta máis contundente ante a situación xerada' e que atribúe a Presidencia do Parlamento e da Xefatura de Seguridade.
'En varias ocasións esta deputada intentou falar co responsable de seguridade a través do teléfono para solicitar información do proceso e o máximo encargado de velar pola seguridade do Parlamento nin contestou á chamada nin a devolveu a pesar de que foron efectuadas algunhas antes o persoal de acceso', critica.
Baixo esta exposición de motivos, a deputada formula unha queixa ante a 'incomprensible situación xerada polas instrucións da presidenta', así como pola 'falta de atención' do xefe de seguridade da Cámara, e solicitou 'recibir indicacións e autorización expresa e por escrito' para a entrada de asistencia técnica ao vehículo estacionado, que foi retirado ao día seguinte de este escrito.
