O voceiro de pesca do Grupo Parlamentario do PPdeG, José Manuel Balseiro, criticou o secretario xeral do PSdeG, Pachi Vázquez, porque, ao seu xuízo, foi a Estrasburgo como 'a cigarra que vai recoller os froitos do que todo un exército de formigas, o sector pesqueiro, estivo a sementar ao longo dos últimos tres anos e medio en Europa'.
A este respecto, o popular censurou que os socialistas acudisen a Europa 'a interesarse por uns temas polos que o goberno do Partido Popular e a Xunta levou a dianteira dende o primeiro momento'.
Así, en relación co acordo pesqueiro con Mauritania, Balseiro opinou que os integrantes do Partido Socialista 'volven chegar cun mes de atraso'.
'Pero é un comportamento típico do PSOE', advertiu, antes de indicar que 'non deberían esquecer que dende o primeiro minuto a Consellería de Medio Rural e do Mar xa lle pediu ao Ministerio de Agricultura a anulación do actual acordo', que exclúe os barcos con tripulación galega que capturaban polbo naquel caladero.
'Foi o PSOE, cando gobernaba en España, quen lle deu o visto bo aos acordos das cinco primeiras roldas negociadoras, onde se pecharon os principais termos deste acordo que hoxe lamentamos', subliña o membro do Partido Popular.
A maiores, sobre o tratamento diferenciado para as mariscadoras -que celebrou o candidato socialista á Xunta-, José Manuel Balseiro resalta que 'posiblemente o señor Vázquez non saiba que non é a primeira vez que o marisqueo recibiu fondos europeos'. Neste sentido, apunta a proxectos colectivos con confrarías e outras entidades que percibiron, segundo asegura, achegas comunitarias.
Así, en relación co acordo pesqueiro con Mauritania, Balseiro opinou que os integrantes do Partido Socialista 'volven chegar cun mes de atraso'.
'Pero é un comportamento típico do PSOE', advertiu, antes de indicar que 'non deberían esquecer que dende o primeiro minuto a Consellería de Medio Rural e do Mar xa lle pediu ao Ministerio de Agricultura a anulación do actual acordo', que exclúe os barcos con tripulación galega que capturaban polbo naquel caladero.
'Foi o PSOE, cando gobernaba en España, quen lle deu o visto bo aos acordos das cinco primeiras roldas negociadoras, onde se pecharon os principais termos deste acordo que hoxe lamentamos', subliña o membro do Partido Popular.
A maiores, sobre o tratamento diferenciado para as mariscadoras -que celebrou o candidato socialista á Xunta-, José Manuel Balseiro resalta que 'posiblemente o señor Vázquez non saiba que non é a primeira vez que o marisqueo recibiu fondos europeos'. Neste sentido, apunta a proxectos colectivos con confrarías e outras entidades que percibiron, segundo asegura, achegas comunitarias.
