Mariano Rajoy, que a noite do luns xa a pasou en Ourense, visitou na mañá deste martes as localidades de Avión e Ribadavia.
O presidente do Goberno en funcións e líder dos populares, Mariano Rajoy, evitou pronunciarse sobre a causa aberta por o Supremo contra a senadora contra a exalcaldesa de Valencia e senadora Rita Barberá pola comisión dun presunto delito de branqueo de capitais no grupo municipal do seu partido na cidade que gobernou.
Mariano Rajoy, que a noite do luns xa a pasou en Ourense, visitou na mañá deste martes as localidades de Avión e Ribadavia, antes de seguir o seu percorrido pola capital das Burgas e protagonizar un mitin no Carballiño.
A preguntas dos medios nas dúas primeiras localidades nas que se dirixiron ao presidente, Mariano Rajoy esquivou as preguntas relativas ao caso de Rita Barberá e unicamente respondeu ao papel que xogou o candidato do PPdeG, Alberto Núñez Feijóo, no debate electoral a cinco celebrado na noite do luns nos medios públicos galegos.
A Sala do Penal do Tribunal Supremo acordou este martes abrir causa contra a exalcaldesa de Valencia e senadora do PP, Rita Barberá, pola comisión dun presunto delito de branqueo de capitais no grupo municipal do PP no Concello de Valencia, no marco da Operación Taula derivada do `caso Imelsa`.
O Tribunal Supremo acolleuse ao criterio do Ministerio Público, que o pasado mes de xullo solicitou por escrito ao alto tribunal que designase un maxistrado instrutor do asunto. Así, a Sala designou como instrutor desta causa ao maxistrado Cándido Conde-Pumpido, que foi fiscal xeral do Estado durante a etapa de José Luis Rodríguez Zapatero como presidente do Goberno, que, previsiblemente, chamará a declarar a Barberá nas próximas semanas.
