O CTG recorda que para poder atender as necesidades dos centros sanitarios galegos son necesarias 500 doazóns de sangue cada día
As reservas do grupo sanguíneo Cero positivo (0 +) permanecen baixas na Comunidade galega, mentres que as do Cero negativo (0-), A negativo (A-) e A positivo (A+) atópanse normais, segundo a información facilitada este mércores polo Centro de Transfusión de Galicia (CTG).
O CTG recorda que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, o próximo luns, 14 de setembro, acudirán unidades móbiles do CTG aos municipios coruñeses de Moeche --diante do Concello--, Carballo --empresa Calvo--, Carral --lateral do campo da feira-- e Oroso --fronte ao centro médico de Sigüeiro--.
Tamén o luns se desprazarán unidades móbiles á localidade lucense do Valadouro --Praza de Santa María--; á ourensana de Melón --diante do centro de saúde en Quins-- e ás pontevedresas de Vila de Cruces --ao lado do Concello--, Bueu --xunto a a antiga casa do mar-- e Vigo --recinto da empresa MGI-Coutier España--.
