A Garda Civil sorprendeu a un veciño de San Sadurniño (A Coruña) con 1.180 gramos de hachix cando circulaba nun turismo nos accesos da vía rápida AG-64.
Segundo informa o Instituto Armado, nun operativo composto por axentes da Garda Civil de San Sadurniño, Ortigueira e Ferrol, realizado na madrugada do mércores nos accesos á vía rápida AG-64, ao seu paso por San Sadurniño, sorprendeuse ao condutor dun turismo que levaba no seu interior 1.180 gramos de hachix.
O home, de 38 anos e veciño do lugar, levaba a droga nun bolso de man sobre o asento do acompañante. Xunto coa droga intervida, os gardas tamén se incautaron de 710 euros en billetes, dous teléfonos móbiles e un coitelo con restos de hachix seco, presumiblemente empregado para o corte, segundo indican as mesmas fontes.
As primeiras investigacións dos axentes sinalan que a droga puido ser adquirida momentos antes da interceptación do agora imputado, nalgún dos campamentos chabolistas que rodean a cidade departamental, e estaba preparada en pastillas de 50 gramos para a súa venda ao menudeo.
Tras comunicar os feitos e poñer o detido a disposición do Xulgado de Instrución Número 2 de Ferrol, o seu titular decretou o ingreso en prisión do home ao que se lle imputa un delito contra a saúde pública por tráfico de drogas.
O home, de 38 anos e veciño do lugar, levaba a droga nun bolso de man sobre o asento do acompañante. Xunto coa droga intervida, os gardas tamén se incautaron de 710 euros en billetes, dous teléfonos móbiles e un coitelo con restos de hachix seco, presumiblemente empregado para o corte, segundo indican as mesmas fontes.
As primeiras investigacións dos axentes sinalan que a droga puido ser adquirida momentos antes da interceptación do agora imputado, nalgún dos campamentos chabolistas que rodean a cidade departamental, e estaba preparada en pastillas de 50 gramos para a súa venda ao menudeo.
Tras comunicar os feitos e poñer o detido a disposición do Xulgado de Instrución Número 2 de Ferrol, o seu titular decretou o ingreso en prisión do home ao que se lle imputa un delito contra a saúde pública por tráfico de drogas.
